Umiarjuami Igajivvimmit Nirijaksaliaksaq

Titiraqtangit Miche Genest (Canada-mi C3-kut Igajimmarianit, Piliriaksat 11-ngani)

Igaup iluani-uutisimajuq Iqalukpik ilaksaqarsugu Piruqtunit Sorrel Sauce-mik ammalu Qungulinnik tiqtitarijausimajunik

4-nut nirijaksaujunnartuq

Sivullianik tikisimaliqtilluta Kugluktuk nunalinganut, Piliriaksat 11-ngani iligijauqataujut pisurajagiaqsimalaurput Bloody Falls-ni kuuganganut ammalu nunivariaqsimallutik paurnganik piruqtuniklu ilagijaullutik nunaqqatigiittunit. Qimaksilaurama igajiujumut ikajuqtiuniaqsunga, tusugiluatailillugillu pisurajagiaqsimajut. Piqatialuktaasaannit qimaktausigiarama apirilaurakkit naksarutijaujumallunga nunami piruqtuqutinik nirijaksaliarijunnarniaqtattinnik unnungani.

Nunivagiaqsimajut nanisijunnaqsilaurnmata. Brendan Griebel, Susan Gardener ammalu piruqtulirijiujuq Paul Sokoloff utirujjisimalilauqtut piruqtunik naksarsutik paurnganik (mossberries), qijuktaaqpait (Arctic Labrador tea) ammalu, mamarijattinnik, qungulinnik (mountain sorrel). Unnuktillugu unnugumitalilauqtugut igaup iluani-uutisimajumik iqalukpingmik ilaksaliangusimajumik tiqtitarijausimajunik crimini ammalu morel qungulirnnik ammalu mikittuullugu uqaujanganik qunguliup atuni aviktursimajut iqalunnut qaanganuaqtitausimallutik. Mamaqtuliangusimajunik nirianikkatta nirijaksaliulauqtunga, paurnganit akusimallugit cake-liangusimajumut ammalu qijutaaqpait-nit  paurnganillu akusimajuliuqsimajumik siirnnaqsigiarsimallugit napaaqtuit birch-nit syrup-liangusimajumit.

Nunami piruqtuit atuinnaunginnaqpanngimmata, taimali isumaliurutigisimavara ilangirutaujunnaqtunik taisiqattarsung aturtaungaarunnaqtunik. Isumarsurutigilusiuk asingik ilaksaqartittijunnatsiaqpusi!

Iqalukpik

4-nut nirijaksaujunnartuq

Uusimalirtillugu iqalukpik ilaksariniaqtanga ammalu qunguliit tiqtitarisimajut uusimalirsimaliqqaarlugit.

4 6-oz (170-gr) sauniijaqsimajuq iqalukpik

Pujjuutilluamik tariulirlugu ammalu pepper-lirlugu

2 aluutialaat (10 mL) lemon imiganga

1 aluutialaat (5 mL) olive uqsunga

Igaup ilua uunaqsitippagiirlugu 400F-mut (200C). katisimaliqllugit akullugit tariuq, pepper, lemon imiganga ammalu uqsuq pakkujamut akusimaliqpata niqinut amiarutimut atuni iqaluk aviktursimajut qaanganuaqtirlugit. Uusimalirtillugit 7 minute-sinit 10 minutes-sinut; uusimattialirnmangataa qaujigiarlugit ipjuniqpaangagut pakkujamut taanna pakkujuaq kaiviarjuktillugu – iqaluk aviksarailliqsimaguni taimali uusimalirtut.

Igamit amulugit. Iliuqqarlugit allirarnut nirumiliqtigiaqsimajunut ilaksaliangusimajuuq qaanganut, qungulirnik uusimajunik qaanganut titisimallugit iliuqqaivvigilugit.

Piruqtuqutinit Sorrel-mik imiraksaliangusimajuq Iqalukpingmut aturtuksaulluni

Siirnaluarani, siirnarujuktuq ammalu tipitsiariktuulluni, nunamit puruqtuqutiit ilaanni niqitaarvinni niuvirvinni niuviasauvaktut ammalu nunami piruqsiijit niuviaksaminnik niuvirvingini kisianilu pijaritunnginniqsaujunnarmijuq nangminiq piruqsiinanaruvikkit. Taimanna pitaqainnarniqsaulutik atuinnauniqsaunajarmata mamaqtuullutik piruqtuit.

1 Aluutirjuaq (15 mL) immuujaartuq

2 Aluutirjuat (30 mL) mikittukuluulirlugit aggursimajut shallot uvvaluunniit tungurtuit onion

2 irngusiit (480 mL) piruqtut sorrel uqaujangit, mikittukuluulirlugit aggursimajut

½ irngusiq (125 mL) sanngijuq imialuk vermouth-ngulluni suurlu Nouilly Prat

1½ irngusiit (350 mL) 35%-ngulluni immuk cream

2 Aluutirjuat (30 mL) lemon imiganga

Tariuq ammalu pepper isumaqsuutigilugu qanutigiuniarninga

 

Immuujaartuq auktillugu mikijumi igavingmi uunaqsisimaning uunajuktuutillugu igaup qaangani. Ilisivvigilugu shallot-nik uusimaliqtigiarlugit taqsanga asijjirsimalirvianut. Akuvvigilugit piruqtuni sorrel-nik ammalu uusimaliqtigiarmilugit aqiglisimalirviannut, 1 minute-silluamik. Ilalugit sanngijumik imialuk vermouth-mik, uunarninga quvvasiksigiartillugu qitiqpasianut ammlu uusimalirtigiarmilugit taanna imialuk mikigliarjugsimalirvianut, 3 minutes-silluamik. Akutsivvigilugu lemon imiganganik ammalu immuk cream-mik ammalu uusimalirtigiarmilugit taanna imiqpalajungniiqsimalirvianut, 8 minutes-simit 10 minutes-simut. Tariulirlugu ammalu pepper-lirlugu ammalu qaangani igaup uunainnaqtisimagiarlugu uunarning mikiniqpaangani.

2-nik irngusilluanik (480 mL) uusimajaqalirajatuq.

Qunguliit tiqtisimajut Ikalukpingmut Ilaksarijauliarlutik

Qanuittutuinnatigut katisimajuksanik aturlutit nunami piruqtuqutinik ammalu piruqsiivvimmik piruqtitausimajuni qungulirnik atuinnautitausimajunik niuvirvingmit uvvaluunniit nunami piruqtunik avatigijarniitunik – ujjiqsutsiarsimagiarlutik niqigijaujungnaqtuugiangita qunguliit, suuqaimma. Umiarjuaq Polar Prince-mi katisimaliqtilaurakkit qunguliit piruqtut crimini ammalu paniqtisimajut, nunami piruqtisimanikuit qunguliit niuviarilauqtakka nunanni.

 

½ oz (15 gr) paniqtisimajut qunguliit, porcini uvvaluunniit asingit nunami pirutuqsutiviniit

Qalaartuq imiq

1 Aluutirjuaq (15 mL) immuujaartuq

1 Aluutirjuaq (15 mL) olive uqsunga

1 lb (454 mL) piruqtut qunguliit, aggursimajut saattuullugit

2 cloves garlic, mikittualaanguliqsimajut aggursimaningit

2 aluutialaat (10 mL) soya sauce

½ irngusiq (125 mL) agguqsimajuq parsley

Tariuq ammalu pepper isumaqsuutigilugu qanutigiuniarninga

Taakkua paniqtisimajut qunguliit qaanganut qalaaqtumik imirnmik kuvisivvigilugit taimalu taimanaitinniarlutik kinipalitsiarsimaninginut tikillugu, 20 minutes-luamik. Ipgulugit imiqalualirsimaninga piijarniarlugu qungulirnit, taanna iminga pisimainnarniarlugu asinginut atuqtaujuksauniarnmat, ammalu taimali qunguliit aggulirlugit uqummituinnariaqaliqtigiarlugit.

Uunaqsitillugu olive uqsunga ammalu immuujaartuq angirlaktuulluni savirajauniqsami ipualingmi qitiqpasiani uunaqsitigimalugu igaup qaangni. Immuujaartuq tiqtippalugungnaiqpat paniqtisimajuvinniit qunguliit iluanuarlugit ipualingmut ammalu uusimaliqtigiarlugit 2 minutes-mit 3 minutes-mut, taimalu piruqtunik qungulirnik ilalirnmilugit ammalu uusimalirtigiarlugit kajuqsisimalirningannut tautungita qunguliit, 8 minutes-luamik. Akutsivvigilugit garlic-mik ammalu uusimalirtinniarillugit 2 minutes-mik, ilisivvigilirlugit soya sauce-mik uusimalirtigiarmilugit 1 minute-kannirnmik. Unaqtumit sanirvarlugit, akutsivvigilugu parsley-mik, tipinga qaujigiarlugu uqummirsilutit ammalu tariulirlugu pepper-miklu ilalugu isumangnik. Sanirvarlugu matusimalugulu aturiaqaliruviuk atuinnauniarnmat.

ASIKKANNINGINIK NANISILUTIT

Katajjaqniq Nelson Tagoona

Katajjaqniq Nelson Tagoona

Ilauqatauvvigitigut qaujiniaravit katajjaqniqmit una amisunik-ajunginniqattiaqtuq piliriarijunnaqtanginnik (ammalu SOI aniguisimajuq) Nelson...