Umiarjuami Igajivvimmit Nirijaksaliaksaq: Ingirraluni Sivat

Akutaksat

150 grams palaugaatsaq 

½ aluutialaaq ilaksarijauvattuq baking soda 

½ aluutialaaq tariuq 

30 grams iluittuulugu uqsuqartuq tariuliqsimanani immuujaaqtuq  

50 milliliter nillinaqtuq imiq  

 

Qanuq Pilirianguvagiaqarningit 

  1. Uunaksiqpagiirlugu igaup ilua 190C-mut (375 F.).
  2. Palaugaaksaq ammalu ilaksarijauvattuq baking soda katillugit angmanilialaamik aturlutit akutsivingmuaqtirlugit, taimalu tariumik ilalirnmilugu. Immuujaaqtuq aggakpit nuvungit aturlugit akusimaliqtillugu palaugaaksaq, mikillitisimaniqaliqtillugu akusimaninga suurlu aqirrurjuaq siqalisimajutitut anginingit taakkua akutatit. 
  3. Sukkaittumik immiq akusimalirlugu palaugaaksamut akullugu aqirrurjuaksatitut tamarmik akusimajutut tauttuqalirpat akutsunniirlugu. Tamarnmik panirningit kinnitisimalirialiit, kisianilu akusimalirtuq nipiqqattaanngilluni. 
  4. Maniktuq pilirivviginiaqtait palaugaaksaliarjuklugu ammalu taanna akusimajait saaglitigialirlugu ijjuniqalirtillugu 2 centimeter-luamik (0.8 inches) ammal ilijungnaqsitillugu angijumut nataarnmut igavviginiaqtarnut.  Taana palaugaaksaq ililugu iqsiqtirsimaarjuktumut nataagnmut ammalu savingmik aturlugit agguqsimaliqtilirlugu 5 centimeter-nik (2 inches) kippariktuulugit. Atuni kippaariktuliarisimajut pakkujarnmut naqitirivvigilugit angmanilialaaliurlugit. 
  5. Igaup iluani uutisimaliqtillugit 15 minutes-mik uvvaluunniit taakkua palaugaaksat qaangit kajuqsisimalirpatamut. Igamit amulugit ammalu nigsasirviup qaanganuaqtillugit niglisimalirniarnmata. 
  6. Taakua ingirraluni sivait nirijaujunnaqtut tiiturluni siuraujaaqtuliqsimajumik uvvaluunniit akusimajuliangusimajumik qaanganut mamaqsautiliqsimatillugit.
Umiarjuami Igajivvimmit Nirijaksaliaksaq: Antarctic-mit Akusimjulianguvattut Pemican-nik

Akusimajuliangugianga pijaritujuunngittuq taanna aturniqammariktumik uummariksisimalirutiksaq timimut, ammalu timimik ikajurutillariuvaksuni ammalu nirijaksaliangugattuq niqimit ammalu uqsungnit nipiup. Taanna Pemmican-mik taijaulluni akusimajulianguvattuq taimaatuinnaq nirijaujunnartuq, sivaup qaangnuaqtigauluni uvvaluunniit uujuliangusimalirluni hoosh-nguqtitauluni.

Qanuq Pilirianguvagiaqarningit 

Piliriaksaq 1 – Niqimik Aaqiumaliqtittiniq 

  1. Iga uunnaksisimaliqtillugu 170F-mut. 
  2. Taanna niqi saattukuluulirtillugu aggauqsimalirlugu ammalu agguqsimajut iliuqqarlugit nataarnmut igavviginiaqtarnut. Taakkua agguqsimajatittauq iliuqqatunnarunnarnmijatit igaup iluanut, kisianili kutuarviusimaniqalirunnarnmat igaup ilua. 
  3. Taakkua niqiit agguqsimajut paniqtisimaliriaqartuq igaup iluani 15 ikarraluanik – qakutiarjukkut matuiqpaklugu iga aniatinniarlugu kinipannarninga iluaniilirtuq igaup. 

Piliriaksaq 2 – Tuunurnmik Punnirniliurniq  

  1. Tunnuup niqiqarnilimaangit piijaqsimalirlugit. 
  2. Taanna tunnuq agguqsimalirtillugu mikillitigiarsimalirlugit aggurtatit. Immaqaalu aturunnarmijait taanna nirijaksaliurluni aggauisimajuliuruti mikillikkanniqsimanirnmata agguqsimajuliuqtatit. 
  3. Taakkua agguqsimalirtatit tunnuit iliuqarlugit ipualingmut. 
  4. Uuujuliulirlugit igaup qaangani uunarninga atsingniqpaangani. Atuni uqumainniqaqtumik 1 pound-mik tunnurnik, uujuliuriaqarniarangni atausirnmik (1) ikarramik. Iilaa, akuniurlakpaktuq taanna! Nautsiqtuinnariaqarnianngittuq uujuliangutillugu, kisianili qaujigiaqpaklugu uutalinngikkaluarnmangaat. 
  5. Tuunnuit akusimalirniaqtut, kisianilu qaangani mikittuutinik puktalaartuqalirniarilluni. 
  6. Taimalu taakkua qaangani puktalaartut kajuruqsimaliqpata ammalu taanna uqsuq uujuliangujuq tiqtitsungniiqpat, punnirninguqsimalirtuq. 
  7. Taana punnirniliangusimajuq kuvivalliatillugu aturlugu nuviqsaaq cheese cloth-mik taijaujuq uvvaluunnit piunngittuuninginik piijaijjutimik aligurmut matulingmut. Kuvijungnarninganik kisiani pisimalirumaniaravit taassumangat. Uqsuq (punnirninnguqsimalirtuq) niglisimaliqpat, qursuqtamik tauttuqalirnirnmat.  

Piliriaksaq 3 – Mikittualaanguqtittiniq niqituinnamik 

  1. Mikittualaanguqtittilugit niqituinnaq siqalinnguqtillugu. 

Piliriaksaq 4 – Tunnurnmik ilasiniq, Akutsiniq ammalu Kuviuqainiq Iliuqqarviksanginnut 

  1. Katisimalirlugit niqituinnaq, tariuq, ammalu ilaksarijat iliuqqarumajatit akutsivingmi. 
  2. Punirniq uunaluanngiliraluarnmangaat qaujigiaqqaarlugu kuvitilauqaarnak paniqtut qaananganut. Akutsiarsimaliriarlugit. Naammanaatuinnarialik punnirniqarningata kiniqtisimaliruni niqiuninganik kinipalualiqtittaililugit. 

Akusimaliqtatit iliuqqarlugit nataarnmut. Taimalu agguqsimalirtilirlugit kippariksitillugit aggurtatit ammalu matusimatsiarungnaqtumut iliuqarsimaliriarlugit.  

Ammaluttauq imusimaliqtigaujunnarmijut akusimajut suurlu meatball-titut tauttuqalirtillugit ammalu angmaluqtisimalirtillugit. 

Iliuqqaiviksait Silicon kukumut iliuqqaivviit uvvaluunniit asingit iliuqqaivviit aturtaujungnarmijut uvvaluuniit mikittut muffin-ralaaliurviit atuqtaujunnarmijut ajjigiilirtiriniarluni.

ASIKKANNINGINIK NANISILUTIT