Qaujisaqtiuvaksimajutuqaq ammalu Avatilirinirnmi Piliriaqaqtiujuq 

Sulilluni ingirrajillariunirnmut, qaujisaqtiuqattarsimajutuqaq Jasveen Brar (Antarctic 2014-mi Ukiuqtaqtumi 2016-mi) piliriaqartiusimalirtuq ilinniaranigutiqarsimajuulluni piruqtittivallianirnmut uqallaqatigiigviksanginnik nunaliujunirnmiut isumaalugutigijaminnik avatiliriniujumut piliriararniqtigut, ilinniaqtittivangniqtigut ammalu ikajuliriarnirminut nunaliujut ammalu silarjualimaap qutsingningitigut. Piliriniqalirumalluni qaujigiarsimalirumallugit akunninginniittunut turaangajunik sunatuinnanik qaujisainiqarpangnirnni, ilinniartittivangnirni ammalu maligalirinirnut ammalu qnuq makkuktuit piuniqsatigut tamakkununga piliriniujunut pititausimalirungnarnmangaataa. 

Umiarjuakkt Qaujisariaqatausimalluni 

Jasveen-mut, piuginiqpaarillunigik iqqaumajangit marruilinganiqartippait silarjuap kaajjinnguanganit ammalu kimminnguanganit ingirrasimanirnminit. Silarjuaq Kimminnguangani 2014-ngutillugu umiarjuakkut Jasveen iqqaumavuq uumajualungmik qaniglilauqsimanirnminik Minde Qilalugarnmik irngirralluni puisimalauqsimaninganik umiarjuap sanirattiangani ungataanut ikarrait pingasut. Ukiuqtaqtumi Umiarjuakkut Qaujisariaqsimallunili 2016-mi, piusallarilausimavuq piullariktuuningata Ilulissat Sikulluni Kangiqsuanik Akukittuni, “Piullaringniqpauvuq tamainnit takujaqtuqattarsimajannit”. Kisianilu sivulliqpautitsuniuk ammalu pimmariutippanga, Jasveen uqarsuni iqqaumajanginit imanna angijummarimmik attataqsimaliqturautivanniujut ammalu piqatialuktaarituraunniuvaktut umiarjuami ikimaqatigiiktunit.  

Ujiirijaqalirniq Turaarviksarijaminik ammalu Pisimalirumajaminik 

Silaruap Kimminnguanganit utiqsimalirami 2014-ngutillugu, Jasveen isumaliulilauqsimajuq iluikkautsiaqtumik tukisiumalirniarniruni qanuq asijjiisimaliqtittijungnariaminik, itiniqsaujumik avatilirinirnmut ilinniarutiqasimajariaqarnirnminik ilijauqatausimaliqtillunigit marruirunnarlugu Uumaniqaqtulirinirnmut ilinniarutigijamini Dalhousie Silattuqsarvingani. Tamatuminga iluikkauliqtitsuniuk pijaksariliqsimajamini, Silarjualimaami Ilinniaqtuit Aujajungnautilirinirnmut Katimavigjuarutiqatunut ilagijauqataulilauqsimajuq uqallausirijaqtursunigit ukiuqtaqtumi atuqsimajani, tusaqtausimalirnirnminik pisimalirutigillunigit ammalu iniqaliqtitaujjutigillunigit ilagijauqatauliqsuni Alberta-mit Quttingniqpaat 30-ujut ukiuqaqsutik tungaani 30-nut. Tamannganillu Jasveen isumaliuqtigijauqataulilaurtuq Catherine Mckenna-up G7-mut Nutaatigut Piliriniqaliqsimajunut, upagutiqatausimallunilu United Nation-kut Silaup Asijjiqpallianinganut Katimavigjuatunut COP24-mut Poland-mi, ammalu tunirrusiaqtaalauqsuni Kuin Kiggaqturtingata Ilitarijaujjutinganik Akiliqtugaunatik Ikajuqtiusimajunut 2018-mi.  

Ikajuqatausimaniq 

2017-ngutillugu Jasveen piliriqatiqalauqsimavuq SOI-kunni ilinniaraanigutiqaqsimajuniktaiq pigiaqtittivalliatillugit amisuni nunalipaujarijaujuni katimavigjuarniqartittinirnik taijaulluni Kaajjinnguaqutigivaqput Kimminnguaqutigivaqput Nunarjuaqutigivaqput tusaumaliqtittillutik ungataanut 800-nik makkuktunik. Taanna katimavigjuatittiniulaurtuq Jasveen-mut piliriniqarvigijunnaqtanginnut piqatialugijangitalu pitaqalirutiulaurmat asinginnut makkuktunut pisimaliqtittijunnarnirnminnik pijjutiullutik ilinniarutigilauqtanginnut ikimaqataullutik umiarjuakkut qaujisariaqsimanirni.   

Ilisarutigijaminik pijariiqsisimalirami, Jasveen ilagijauqataulilaurtuq Tariumi Aquviqalirnirnmut Piliriangujumi, ikajulirutiummarilauqtumut ikaariarutigilluniuk piliriniqarumaninganut avatilirinirnmut ammalu nunaqqatigiiktuit piliriqatautitautillugit. Ilagilluniuk ilijausimalirninganut piliriqatigijanganut, Jasveen ilinniarutiqalilaurtuq ammalu sivuliqtiulluni piliriangukainnaqtunut turaangallutik tariup aanniarnaqaliqtitauttailimaninganut ammalu tariulirinirnmi tukisiumaliqtittigiarnirnmut. Nunaligijamini Medicine Hat, Alberta-mi tukimuaktigijaulaurpuq Tariup Taqqinganut piliriangujumut ikajuliriarnirnmut makuktuit tukisiumalirtitaugiarningitta qanuq aktuisimaliqtittivangninginnut, nunainnarmiutaugaluarutiaglaat suurlu Alberta-up siqiniqpasiani, tariuqarniujunut silarjualimaami. Jasveen sivuliqtigijauqattalaurtuq 17-nut katimasinnaat pilimmaksainirnut, ilaqarsugit kuungunirnit imiqutiksartaarviuvaktunik salummaqsainirnut, auktajuuksalirinirngnut 101 piliriamut, sivuliqtiunirnmut pilimmaksainirnut ammalu asinginnut. Jasveen ilitarijaujjutinik tunirrusiartaaqtitaulaurtuq North America-mi Avatilirinirnmut Ilisaijiit Katujjiqatigiingitta Quttingniqpaangujut 30 ukiuqatut tungaani 30 Avatilirinirnmut Ilisaijiit ilitaqsisimajjutinganik piliriaqainnaqsimaninganut tamakkununga turaangajunik.     

Sivuniriniaqtami Niriugijait 

Ullumiuliqtumili Jasveen iqqanaijaaqalirtuq Aulatsijigijaulluni Tariumi Aquvvikmi, aaqiksuinirnut ajjiqaratik ammalu miksiqattiartutigut piliriniqasimaliriamik Atlantic-mit piliriniqaqatauliqtuni angigligiaqtitausaalaurningani piliriangujup. Tavvani piliriangujukkut, makkuktuit ukiumik atausirnmik piliriniqarpaktut tariulirinirnmut tukisiumaliqtittigiarnirnmik, tariup aanniarnaqaliqtitauttailininganut ammalu mianirijausimaliqtigiaqsugu pilirianguliqsimajunit nunaligijamingni ammalu katujjiniqarsutik pilirianguvaktuni marruiqsutik ilinniarutigivalliallugit ingirraqattarnirni. Jasveen tamatuminga piliriaminik ikajurniqammaringniraisimajuq ikajuqtiugiamik makkuktunik piliriniqarumaninginnio piliriaqarsinnaat Canada-mi ammalu silarjualimaami silalirinirnmut ammalu tariulirinirnmut pivalliajuliriniujunut. 

On the side, Jasveen has also been working with 3 fellow alumni on a research project with the Inuit Circumpolar Council about establishing an Indigenous Protected Area around Pikialasorsuaq.

Katisimalirtillugit tamakkua, Jasveen quviasukpuq ikajulirunnaqsuni iqqanaijaaqarnirnminik ikajuqtuiniarluni makkuktuuqatigijaminik ammalu amiqqarutiqarunnariaq ilinniarutigivalliasimajaminik ukiuni tallimauliqtuni. Sivuniriniaqtaminik isumagijaqarsuni Jasveen quviasutuinnarpuq uqariamik quviagillarikkamiuk inigiliqsimajani piliriniqarvigijunnaqsuniuk pilirivvigijumajani ammalu niriungniqatsiaqtuulluni taimannainginnarniarninganik. 

ASIKKANNINGINIK NANISILUTIT