Roslyn Bern, Isumatarijaujuq tavvani Leacross Tungavinganit,  iksivaaqatiqalauqmat pingasunik makkuktunik arnanik ilinniaqtut ammalu iqanaijaqtut tavvani STEM piliriaksanginnik.  Taakua uqausiqaqmata aniguilauqniqmingnik, namungaujumangmangaaqmingmik ammalu ajurutigijauqattaqtut aqnanut aniguittialauqniqmingnik taakua piliriaksanginnik. Tautugunnaqtait maana tusakanniqniaravit uumangat Michaela Hammond, aaniaqaqnangittuliriniqmut qaujisaqtuliriniq saqitittivallianiqmut ilinniaqtuq, Hannah Weider ilisaqpalliangmat qarasaujaliriniqmut qaujisaqtuliriniq ammalu Cassandra Elphinstone aniguisimangmat ilisaqtaminik Ukiuqtaqtuq piruqsianginnik qanuilinganirijanginnik.

Akuqvik ajungititausimajuq ikajuqtaullutik ukunangat katujjiqatigiingujunik.

 

Roslyn Bern

Roslyn Bern, Isumatarijaungmat Leacross Tungavinganut qingummigaqtualuaqtulli innaruliqtut arnait ammalu niviaqsaat pinasuaqtillugit aksuruqnaqtunik, saqititinasuaqtillugit nutaanik qanuqtuurutiksakanniqnik atatiliriniqmut, ammalu uqausiqaqpallialuni arnaillu angutillu pilirijunnaqtuinnauninginnit.  Ilisaijiulauqsimagami, Roslyn ukpirusuktuq ilinniaqnikut qutiksikannirunnaqtut ilaulutik arnaillu ammalu niviaqsaat, ammlu pularaqattaqtuq qarasaujatigut ajjigijaungimmat, makununga aqnaq pulaasuuq ilinniaraaniksimajuugaluat ilagijauqattaqtunik Ukiuqtaqtumit, uvaluunniit ilauqattaqtunik katimajunik ungasiktmiutanik ikajurasukllunigit aulausirijunnaqsijumajut arnait.  Arnaup qaujimanasugingmagu una STEM pilirivvigivaktangit kiinaujaliurunnattiaqniqmut pivaallirutigijunnaqtanginnik aqnanut, ammalu pinajuttiaqmagu aqnaup aaniaqaqnangittuliriniqmut qaujisaqtuliriniq saqitittivallianiqmut tamakkununga pilaktuivingnit qungiaqtaujunnaqluni ammlu ilittiniqmut makuninga umatigijaujut asijjiqtauvaktunik.  Silamiigajulaurami ullaqattalauqtuq tamauna kuukuuqlluni ilinniaqtunik piqatiqaqlluni, aqnaq ikajuqattaqsimajuq piliriqatigiiktunik igluliuqtunik ukuninga  Habitat for Humanity.  Turaaragigamiuk Leacross Foundation, aqnaq pinajuqattaqtuq qaujisattiarasuklluniuk ammalu pirumallunigit ajurutigijauqattaqtunik aqnanut ammalu niviaqsaanut piliriarijumajanginnik ikajurumallunigit.

Michaela Hammond

Michaela  arraagu tugliriliqmagu aaniaqaqnangittuliriniqmut qaujisaqtuliriniq saqitittivalliniqmut ilinniaqmat taikani Queen Ilinniaqvigjuaq ammalu piliriarijumattiaqmagu avatiliriniq qanuitailimaniqmut ammalu pilirittiarasuaqniq.  Michaela quviagingmagu uummariktumit inuusiqaqniq ammalu ikajuqattaqtuq ajjigiingittunik silamiiqatauluni ammalu makkuktut-ikajuqtiuvaktunut ilagijaujunik taikani siniktaqviuvaktunik ammalu aqnaup angirarijanganit nunalinganik Halifax, NS.  Ilakanniqlluniuk turaagarijanga saqitikannirumalluniuk “uujaujaq” paqnaivalliajunnaqniqmit ammalu suruittailimaniqmut ingiravallianirijanga sunatuinnait, Michaela niriungniqaqtuq qangakiaq naukkut-pisuqjuaqluni uvuuna Appalachian uvaluuniit Pacific Crest Aqutingagut, Michaela taikani Leacross aniguiqatausimajuq 2018-mit Umiaqjuakkut Qaujisaqataulluni.

Cassandra Elphinstone

Cassandra Elphinstone sivulliqpaamit ilaujunnaqsilauqmat Ukiuqtaqtumit SOI-kut umiaqjuakkut qaujisariaqtillugit 20011-mit akiliqsuqtauluni taakununga Leacross Tungavinganut.  Ilaugami arnaup inuusinga asijjilauqtuq, ilaunginnaujaliqlluni Ukiuqtaqtumut arraagutamaakasak aujakkut.  Maanali Cassandra aniguisimaliqtuq ilinniaqtaminik taikani UBC taijaujumit piruqtuviniit qanuippangmangaata piruqvigijanginnik ilinniaqpallialunigit piruqtut piruqvigivaktanginnik.  Arraagunut pingasuujuqtunik aujanik iqanaijalauqtuq taikani Alexandra Fiord Umingmak Nuna (79 nalunaiqsimanirijanganit uangnaq) qaujinasuklluniuk qanuq aktuqtausimangmangaata uquusivalliatillugu nunamit piruqattaqtut ajjigiingittunik.   Aqnaup PhD nalunaijaqsimajunik titiraqsimajuq qimiruaqllunigit piruqtut piruqvigivaktanginnik nakingaaqnirijangit ilasimangmangaatalu taana arraagungit qanuilingangmangaatalu uquusivallianirijanga qaujisaqllugu (Whit Mountain Avens) piruqtuviniit maangat aktuqtausimajunut uquusivalliajumit ammalu aulataujunik iniliarijausimajunik ukunangat tisamat nalunaiqtausimajut tamaani Ukiuqtaqtumit.  Aranaq iqanaijaqmat tukisittiarasuklluniuk ilisaqnaqtuqaqmangaat nakingaaqmangaatalu uvaluunniit uquusivallianinga malikllugu ilaqainnaqninganut tammakkununga  qaujisaqlluniuk qanuq aktuqtauvalliangmangaat uquusivalliajumut.  Iqanaijarunniiraangami taasuminga nalunaijaqsimajumik titiraqsimajaminik, aqnaq pisurajaklluni quviagijanga, takijunut siarijautinut aputikkut, majurakatakkllunilu qaqqanut, ammalu iqanaijaqlluni  ilagijaulluni Alpine iglugjuakuluqaqvigijanganit ammalu igliningittigut.  Ilagijaugami ammalu isumatarijaulauqlluni taakununga UBC Carsity Outdoor Ilagiinut  (https://www.ubc-voc.com/), Cassandra quviagijanga illuni kikkutuinnanik aputikkut takijunut siarijaarutinut ammalu qaujitiqattaqtangit ilinniaqtut aujuittukkut ammalu qaqqakkuqatigillunigit.  Maanali aqnaq ilinniaqaqtaujuq kigaqtuqllunigit taakua Nunaqjualimaamit Tunaqutigijangit qaujisaqpallialunijjuk (https://www.gvsu.edu/itex/).

Hannah Weider

Hannah qarasaujanik qaujisaqtulirijiungmat ilinniaqpallialuni arraagutta tuglianik taikani Queen Ilinniaqvigjuanganit Kingston Ontario-mit.  Arnat piliriarijumattiaqmagu ikajurumalluni niviaqsaanik nalunaiqsijunnaqlutik ammalu ilaulirunnaqniaqmata nunaqjuattinni uajaliriniqmit.  Anginiqsanik ilinniaqvingmit, arnaq pigialauqtuq ilinniaqpalliaquliqllunigit niviaqsaat ilittijunnaqniaqmata tukisinaqtunik nalunaiqsijunnaqniqmit ammalu qarasaujakkut saqittivalliajunnaqniqmit.  Taikani Queen Illinniaqvigjuangangit, aqnaq ilagijaungmat Arnanut Qarataujaliriniqmut katujjiqatigiingujunut taikani ikajuqattaqmat naniilattaaraluaqmangaata nunalingnit aqnanut tamakkuninga qarasaujanut qaujisaqtuliriniqmit.  Qujannamiik ukua Leacross Tungavingat, Hannah piliriqataulauqmat ukunani Ilinniaqtunik Sikumit Qaujisaqtillugit Umiaqjuakkut 2018-mit kajusivallialunilu piliriarijumajaminik saqitivallianiqmut pillattaaqniqmit asijjiqsiqatauluni atuqlugu uajaliriniq.

ASIKKANNINGINIK NANISILUTIT