Tusagajukkatta immailijunik “nalalaurit makkuktunik, sivuniksarigattigut” uvaluunniit naalalaurit inutuqarijaqnut!”  Taanna sulinirivanga ukua angajuklliujut ammalu makkungniqsaujut arraaguqtigiilluaqtut iqanaijaqatigiikkaangamik, sanginiqaqtumik saqittiqattaqtut. 

Una RSVP tukinga Ilauniaraluaqpit uvuuna qarisaujakkut katimaqataulutit tamakkuninga uqausiqaqniaqtilluta qanuq ajjigiinginninginnik arraaguqatigiilluaqtut katiqatigiigunnaqmata ilittiqatigiikpallialutik uuminga pinajuktillugit silaliriniq asijjiqpallianinganut ammalu asuilaak tavva.

Amelia Pilot

Amelia maana ilinniaqmat uuminga A-level (ilinnialuakannirasuktanga ilinniavigjuamut iqanaijaqniqmutluuniit) taikani Latyer Upper School London-mit, England (Tariutta akinganit)  Arnaq piliriarijumattiaqmagu avatiliriniq ammalu piruittiaqujiniqmut.  Arnaq iksivautaq-tuglinga ilinniaqvigijanganit uumajuliriniqmut-katujjiqatigiinguqataujuq ammalu ilagijauqataugilluni ikajuqtiujunut ajuqsaqniqsaujunik pilirijiuqataujuq.  Aqnaq uqaqtigijausaattialauqtuq qarasaujakkut piruittiaqujiniqmut katimajunit ilinniaqviujunit nunaligijangata qanigijanginniitunit saqittikannirasukllutik ammalu asijjiqsitittivallianasungniqmut.  Quviagiluaqtangilli silamiiqattaqlluni, pisurajaqattaqlluni majuqnikkullu, hockey-qatauvaklluni, uvvaluunniit tingirautikkuuqataulluni ilisailluni.  Sivuniriniaqtaminik aqnaq turaagarijanga ilinniaqvigjuamuarumalluni silattusaqvingmit tariup akianit ilinniakannirumalluniuk Avatiliriniq Qaujisaqtuliriniq ammalu iqanaijalirumalluni piruittiaqujiniqmut pilirivvigivaktanginniittumit.

Mick Jefferies (Moderator)

Inuuvigisimajanga ammalu piruqsimavvigilluniuk Southern Labrador nunalinganit Charlottetown kisiani nuktilauqtuq Frederiction mut, New Brunswick pinasugiaqtuliqlluniuk illinniavijuaningaaqtumit Ilisarijaujjutimit uuminga Philosophy Qaujimajjutiqattiaqniq katitirijunnaqniq ilinniaqsimanikkut sivuliuqtiuniqmit. Angutiup piliriarijanga pianikpallialiqtanga maliganiliriniqmut tigumiagaksaq uvangat UNB. Mick Illinniaqtiungmat Sikumiutani aniguisimajunit araagungani 2015 Ukiuqtaqtumit ingiratillugit. Mick ilaulilauqtuq 2019mit Nunaqjuaq Asijjiqpallianinganut Piliriliqtut Katujjiqatigiinut 2019 mit pijjutigijangilli ikpiginiqpaarijanga imaittuujut unikkaaqattaqniq, niqiit piujariaqaqninginnit, ammalu ikaaqatigiikpangninginnut aktuiniqaqtunik nunaqjuaq asijjiqpallianinganut.

Iluuna Sørensen

Iluuna Sørensen

Illuuna Akukittuqmiutaujuq Inuuluni aniguisaalilaaliqtuq ilinniaqvingmit ukunani United World College in Maastricht (The Netherlands).    Taakunani arraaguni marruuk kingulliqni aqnaup silaliriniq asuilaak tavva pinguqtitiniq sukkaitumiugaluaq piruqpalliajuq ammalu maana ialgijauliqtuq taakunani SOI aniguisimajunit, Ukiuqtaqtuq Makkuktut Qarasaujakkut Kativvingagut, Ukiuqtaqtuq Ijjuqnaittungit, ammalu 2020-mit ilagijaujuq-saqittiniqmut katingajunik ukunani Nuiana Hardenberg ammalu Kira Lennert-Olsen ‘Greenland4Nature’ pijjutigijanga turaagarillugu saqittikanniqullugillu Akukittuqmiut makkuktungit nipiqakanniqullugit nunaqjualimaamit ammalu nunalinginnit.  Taimali pitaqalilauqtuq katujjiqatigiikllutik katimanikkut ammalu ilinniaqatigiikllutik aqutigillugu Greenland4Nature ammalu niriuktut pitaqakanniqniaqmangaata sivunittinni.  Illuuna sangijualungmit suruqtauqungittiaqtanga tiriqqugijavut ammalu uqaqtiuniaqtuq Akukittuqmiunut.

Peter Croal

Peter Iqanaijaqsimaliqmat uvani pilirivvigiinnaliqtanga nunaqjuaq nunalilimaarijanginnik piruqpalliajunik akuniutigijunik avatit qulitlu-tallimallu arraagunut.  Angutiulli qimiruluaqtangit ilagiingnirijangit ukua avatiliriniq kisutaqaqnirijangit ammalu nirijaksaqaqpangittut  piruqpalliajunik nunaqjuap aviktuqsimanirijanginnik.  Peter isumagiluaqtanga piliriarijumallugu qanuq sila asijjiqpallianinganut aktuininga piruqpalliajunik nunaqjuat nunalingit aviktuqsimanirijanginnik, ammalu qanuq qaujimajaujutuqat ukunangat nunaqaqqaasimajut inugijanginnik atuliqtitaujunnaqmangaata ukununga ilagijauliqataulutik  aksuruqnaqattaqtugaluanik.  Piliriqatausimaliqmat 2 umiaqjuakkut qaujisaqatauniq ilauqataulluni Sikumit Ilinniaqtinut Nunalirijiulluni.

 

Iqanaijainnarami upaksimaliqtangit ungataaniittut forty piruqpalliajunik nunaligjuanit aviktuqsimajunik, ilaqaqllugu marruk-arraagut kisuqattiangilluni ammalu iqanaijaqlluni Namibia-mit qitungani nulianilu ilagillunigit.  Peter pigialauqtuq iqanaijaaminik qiniqtiulluni nungusuittuksajangnik,   savirajaksaq, qakulliq, uqsualuksajak, piruqtuvinit piruttiarutigijaksariniaqtanginnit ilaksaq,  ammalu nunamingaaqtunik imaqnik Kanatamit.  Anguti arraagunut qulit tallimallu inuillamiiqattalauqtuq pauqattaqlluni nalunaikutigijaulluni Inuqangittumit Ontario-mit.  Qanuiliurunniiraangami, Peter ajjiliurilluni quviagijanga, iliqusiliriniqlu ammalu aullaakataklluni, piruqsiaqaqllunilu piruqtuviniqnik, ammalu agiagakataklluni.  Peter Ilagijauqataujuq Royal Canadian Geographic Society.  Ilinniaqtittijiujut Kanatnmit, nunanginniglu, avatinginniglu ammalu iliqusituqanginnik.

 

Iksivaaqataujuq katimajiujunik amisunik kiinauja-liurasuk-tiungittunik piruqpalliajunik katujjiqatigiinik.  Peter piliriarijumigittiaqmagu tamanna silaliriniq asijjiqpallianinga pilirijunit ammalu katigiaqtitikanniqluni angiligiaqtillugu uqausiuqattakanniliqluni pijjutigillugu silaliriniq asijjiqpallianiq ammalu makkuktut.

 

Peter pilirigialilauqtuq ilaqattialirunnaqniqmit pilirijaksamit uqausiqtanga taana Kanatalimaamit Uumariaqtikanniqlugu Napaqtuliit Tukisiumajangittigut.  Taana piliriaksaq tungasuktittingmat nunaqaqqaasimajunut ammalu nunaqaqqaaq-simangittunut nunalingmiutanik, saqitittilutik piruqpaktut iniqattiaqlutik tamainnik Kanatalimaamit qaujimajauttiaqullugit ilinniariaqtitauvalauqtut inuaqtausimajullu ammalu asiusimajut nunaqaqqaasimajut aqnait ammalu niviaqsaat, surusillu taikkua pijautuinnaqsimajut ilagijamingnit ammalu maana aktuqtausimajut pilirijauqattaliqtut atuagaliuqtausimajutigut inuliriniujuq.

Pijunnaqtutit tukisikanniqniaravit uvuuna Ilittikannirunnaqtutit ukuninga Kanatalimaamit Uummariaqtikkanniqlugu Napaaqtuliit Tukisiumajangitigut qarisaujangitigut.

Nancy Karetak-Lindell

© Hinaani Design

Nanacy Karetak-Lindell ilagijaulauqsimajuq Kanatamit niruaqtauqatausimalluni gavamakkunut 1997-ngutillugu Sivulliqpaulauqtuq Nunavuumut katimajirjuangupluni Kanataup Katimavvikjuangani Maligaliuqvingmit niruaqtauvigilauqtaminut Nunavut.  Niruaqtaukanniqlluni 2000, 2004, 2006, sivulliqpaattiaq aqnaulluni Ilagijaulauqtuq Maligaliuqvigjuamit Kanangnaup Ukiuqtaqtunganit.

Aqnaq maligaliuqvingmit titiraqtigijaulauqtuq taisumunga Miniter Avatilirijikkunnut 2003-mit, ammalu piliriqataulauqtuq katimajiralaat nauttiqsuqtiit ukjununga ukiuqtaqtumiutnut uqaqtiuqataulauqtuq maligaliuqtinut & Ukiuqtaqtumiut Piruqpallianirijanginnik ammalu katimajiralaat nautiqsuqtiit ukununga Iqaluliriniqmut & Imaviliriniq.  Aqnaq pilirijiuqataulauqmat aajiiqaitgiinut saqitiqataulluni Nunavut piruaqtauqattaqniqmut maligauqatauliqluni Kanatamit.

Aqnaq Karetak-Lindell niruaqtauqattarunniilauqtuq gavamaliriniqmut 2008-mit najurumaliqllunigit qiturnagani uinilu ammalu inutuqauliqninginnut angajuqaani.  Aqnaq asuilaaqli tukimuaktigijaulilauqtuq taakununga Jane Glassco Arctic Fellowship Program taakua innaruqpalliajunut ajurunniipaalirutiksanginnik sivuniriniaqtamingnut pigialauqtuq aqnaq 2009-mit 2012-mut.  Ikasivautarijaulauqmijuq Nunaqaqqaasimajut Qaujimajatuqanginnik Piliriaksanik taakunani Nunaqjualimaamit Ukiuqtaqtuq Arraagungani 2012 katimaniqjuaq Montreal-mit ammalu iksivautarijaulauqmijuq taakununga Nunavut Pivalliajulirijikkut Kuapuriisangat.  Asuilaagli tikkuaqtaulilauqtut qangattiasaaq ukununga Gavamaliriniqmut Piliriarijaujuksanut Aqanait makunani Kinaujaliurutiksanik.

Ilinniaraanilauqsimalluni ilinniarvingmit qutingniqsanit Yellowknife-mit ammalu Ottawa-mit, Arnaq.Karetak-Lindell utilauqtuq angiraminut ammalu ilaulirialuaqtuq nunalingnit piliriqatigiingnit ammalu katujjiqatigiikpaktunik akiliqsuqtaungilluni turaagaqaqlluni kikkutuinnait pivaalirutiksanginnik, ilinniaqniq, makkuktut ammalu qitiqaqttaqnik.

Arnaq.Karetak-Lindell inuulilauqtuq ammalu piruqvigilluniuk Arviat (taijauvalauqtuq Eskimo Point) tauvani ankinnanganit tariungata Hudson Bay, Kivalliq Nunavut.  Arnaq tisamanik irniqaqtuq, ukuaqauliqlluni ammalu 15 ingutaqaliqtuq.  Aqnaq ikajuqtauttialaurami ilagijaminik aqnaq tigumiattiaqtuq tamakkuninga ajungijjutigijaminik.

ASIKKANNINGINIK NANISILUTIT

Kina?  Taasumangat Sophie Weider

Kina? Taasumangat Sophie Weider

Upigittiaqmagu taasuma 2019 Sikumit Ilinniaqataulauqtuq Umiaqjuakut Qaujisaqtuliriniq, Kina? malingmat ingiravalliatillugu Ukpijuaq, Ukpik,...