TUNGASUQUJAUTTIAQPUTIT saqijaakautigijukkut uqallaqatigiiktillugit ukunangat SOI nunaliqutinganit ajjigiingittut pilirivviqauqtunit ammalu atuqsimajanginnit.

Tusaqtitauniaratta atuqsimajanginnik paqnakpallialugit ilagijausimajut ukunani LGBTQ+ nunalinganit ammalu atuutiqaqninganit ilagijauqatautiariaqaqniq.

Akuqvik ajungititausimajuq ikajuqtaullutik ukunangat katujjiqatigiingujunik.
Paul Sokoloff 

Paul Sokoloff (angut/anguti), qaujisaqti piruqtuviniqnit taikani Kanataup Iglujuaraalunganit Takujagaqaqvinganit Nunamingaaqsimajunit Ottawa-mit, Ontario.  Pianilauqtilluniuk MSc nalunaiqsittiaqniq umajunit piruqtuviniq Astragalus taikani Newfoundland ammalu Labrador,  angut pilirililauqtuq iqanaijaliqlluni takujagaqaqvingnit Uliuqtaqtuq Piruqsiat tukisinniaqtinginnit piliriqatigiiktunit, titiraqpallialugit nalunaijaqllugit taana ilaqaqninganut piruqsiaq umajulimaattianit taikani Inuit Nunangannit Kanata.  Ilinniarunniiraangami piruqsianit Nunavut-mit uvaluunniit Nunatsiaq-mit, Paul Ilinniaqattaqtuq piruqsianit niqnat ajjigiingittuuninginnit ilaliutillugit Mars nunaqutigijanganit qaujisarutigijausimajunit nigiq kanangnanganit Utah-mit.  Taanna aniguiqatausimajuq 2015-ngutillugu Ilinniaqtiit Sisumit Ukiuqtaqtuqmit Umiaqjuakkut ammalu Leg 11 taakunani Kanata C3 Umiaqjuakkut Qaujisaqniq, Paul niriuktuq uqausiqarumalluni atulauqtaminik imaittuutillugu angutiuqatiminiiqtillugu piruqsialirijimmariungmat iqanaijaqlluni Ukiuqtaqtumit ammalu ungataanut.

Siku Rojas

Siku una Inuk Iqalungmiutaq Nunavut-mit, anaananga Iglulikmiutaulluni ammalu ataatanga Quechua Peguche-miutaq, Ecuador-mit.  Aniguisimajuinnaak taikani United World Silattusaqvinganit, illinniariaqattalauqmijut taikunga Victoria BC qaujimajaujuq taiguusinga Pearson College.  Aniguisimaqataullutik SOI-kunnit 2019-mit Umiaqjuakkut Qaujisaqniq Ukiuqtaqtumit.

Aniguisaalauqtuuk ilinniarutiminik Nunavut Sivuniksavut-mit qarasaujatigut ilinniarutinik makuninga Inuit Qangatuqaqsiutinginnik, Inuit Inuusiriliqtanginnik qautamaaqsiutinik ammalu ilinniarutigilauqtangittauq Nunavut Angirutingit (qaujimajaungmijuq Nunavut-mit Angirutiit) – NLCA).

Maanaujuq Siku pigialilauqtuq iqanaijaaminik aglagvingmit Isumatarijaulluni Nanook Mikinniqsanit Ilinniaqvingmit Iqalungnit, piliriarivallialunijjuklu sanaugaliriniq tavvuuna qarasaujatigut inugiaktukuvingagut.  Sivuniksarijumajangat paqnakpallianasukllutik atiliuqataujumallutik sanaugaliriniqmit ilinniaqvingmut kisaini isumaliulaungittusuli naliangnut pigiarumangmangaatik!  Piliriarijumajangat suruingittiaqtukkut sanaugaliurumallutik, annuraanik ammalu asinginnik sanauganik isumagijunnaqtalimaanginnik.  Niriuktuuk saqitijumallutik Piuninga Auktajuuq ilinniarutigiqataujumallunijjuk Iqalungnit nunalinganit saqitijumallutik atuliqtitaukanniqugaluaqllugu auktajuuq.

Anna Gaby-Trotz

Anna (aqnaq/aqnaq) aullagajuktuq igluqjuaqangittunut Kanata-mit qaujisattiarasuklluni qanuq aktuaniqaqmangaattinnit nunamut.  Aqnaq maana iqanaijaqtuq qimiruvallialuniuk  qanuq aktuanirijaminut nuna qanuilinganirijanganut aukpalliatillugu ammalu asijjiqpallianinga takuksauttiaqmat ijittinnut ammalu saqippallialluni nunalingnut qimirujaunginniqpaangullutikllu.  Iqanaijaraluaruma sanianit kuuk-imaqpalliajuq, uvaluunniit silattuqsaqvingmit uvaluunniit Ilinniaqvigjuaqmit, Anna ukpirusungmat asijjiqsijunnattiaqmat sanaugatigut.  Pianilauqtilluniuk aqnaq MFA titiraujaqniqmit taikani Ilinniaqvigjuanganit Alberta, Anna iqanaijalaurivuq Edmonton-mit taikani Boyle Street Nunalingnit Ikajuqatiujunut.  Tavvani aqnaq piruijuq iluanit nunalijjuanit sanaugaliriniqmut piliriaksanit taakkununga ikpigijaunginniqpaanut kikkutuinnanik Kanata-mit.  Piliriariniqsauliqtanga Anna iqanaijaqlluni ajjiliuriqattaqlluni taijaujumit Ikajuqtigijumavattigit, iqanaijaqatigilauramigit nunaliralaaqmiutaujunit makkuktunit qaujisaqatigillunigit ajigiiktittiqattanginiujunit.  Anna ilauqataulauqtuq sanaugaliuqataulluni akuqvikkut taakunani C3 Umiaqjuakkut Qaujisaqniq, imakkut ingirallutik British Columbia-mit qimiruvallialugit avatinga ammalu takuvallialunigit kikkutuinnait ingiratillugit.  Anna ilisaijiujuq ukununga Ontario Silattuqsaqvinganit Sanaugaliuqniqmut ammalu Takuminaqtunik Ilinniaqvigjuanganit,  Taana Ilinniaqvigjuaq taikani Guelph, ammalu Taana Haliburton Ilinniaqvik Sanaugaliuqniqmut.  Anna maana iqanaijaqtuq Uumaqutinik Tukimuaktigijaulluni taasumunga Matuingajuq Pilirivinganit Toronto-mit, taikani aqnaq piliriqatigiqattaqtangit sanaugaliuqtiujunit quliriiktulimaanit titiraujaqsimajunit ajurunniiqsautigijauqattaqtunit saqipallianirijangit piunirijanginniglu titiraujaqattaqniqmit.

Mick Jefferies (moderator)

Inuuvigisimajanga ammalu piruqsimavvigilluniuk Southern Labrador nunalinganit Charlottetown kisiani nuktilauqtuq Frederiction mut, New Brunswick pinasugiaqtuliqlluniuk illinniavijuaningaaqtumit Ilisarijaujjutimit uuminga Philosophy Qaujimajjutiqattiaqniq katitirijunnaqniq ilinniaqsimanikkut sivuliuqtiuniqmit. Angutiup piliriarijanga pianikpallialiqtanga maliganiliriniqmut tigumiagaksaq uvangat UNB. Mick Illinniaqtiungmat Sikumiutani aniguisimajunit araagungani 2015 Ukiuqtaqtumit ingiratillugit. Mick ilaulilauqtuq 2019mit Nunaqjuaq Asijjiqpallianinganut Piliriliqtut Katujjiqatigiinut 2019 mit pijjutigijangilli ikpiginiqpaarijanga imaittuujut unikkaaqattaqniq, niqiit piujariaqaqninginnit, ammalu ikaaqatigiikpangninginnut aktuiniqaqtunik nunaqjuaq asijjiqpallianinganut.

Vinko Culjak Mathieu

ASIKKANNINGINIK NANISILUTIT

Silaliriniqmut Nunanguat

Silaliriniqmut Nunanguat

Qimirujunnaqtutit uuminga piliriqatigiigutiujunik qanuiliurutinik Kanata-miutanut ilaqaqlluni silamut qaujisarutinut, nunangualiriniq ammalu...