5 qanuiliurutit saqitaujuq aniguittiarunnaqniaravit nunaligijaqnit pigiaruti pilirijaksaq

Uva pijariatungittuq qanuq-tuq saqitiqataujunaqniaravit silalirijunit piliriaksat angirarijaqnit saqitiqataujunnaqtutit sila-pijjutigillugu qanuinnirijangit nunaligijaqniikaluaqtillutit. Titiraqtaujuq uumunga Elise Pulllar, SOI-kunnit Aniguiqatausimajuq Piliriaksanut Tukimuakti, iqanaijaqatiqainnaqtuq makkuktunik pilirijaksanit piliritillugit arraagugijattinnit.

Nunaligijavut akaungiliurutinik qanutuinnaq pitaqaqmata aaqiktaujarialiit uvaluunniit asijjiquliqtaraluavut, pijaksaqtaqauqmat asijjirutiksanik!

Ammalu ivvit ajungittiaqtutit qanuiliurasuaruvit, pijumaniqattiaqllutillu ammalu isumagijaqauqllutit taanna nunaqjuaq aturunnattiaqtanginnik. Saqitiqatauguvit pilirijaksamit imaittunguqtittunnaqtait tukiqattialiqluni! Kisiani pigiarasuklluni pilirijaksamit pigiaqvinganit isumaruluujaqnaqmat, taakkua maligaksaliarillutigut tukisinaqsitillugit qaujimattiaqniaravit.

Ukua tavva 5 qanuiliurutiliangusimajut isumagijatit piliriaksanguqtittunnaqtatit IRL:

Qanuiliuruti 1:

Qimirulugu nunaligijait ammlu katiqsuqlugit isumagijatit

Atii, titiraqviksaqmit tigusilutit uvaluunniit piqannarijaqnit uqallaqatiqaqlutit ammlu isumaksaqsiurutigilugit apiqutaujut…

Kisunikkua isumaluutigijauluaqpat uvaluunniit saqitaujariaqaqtut nunaligijaqnit?
Qanuiliurunnaqpunga ammalu/uvaluunniit nunaligijara saqitijariaqaqpa kisunik isumaaluutigijanginnik?
Naliak nunalingnit ilagijaujut ilautitunnaqpakka uqausiqaqatajunnaqniaqmata?
Qanuimmat taanna pilirinasungniq ajjigijaungilaq?

Asuillaak isumagilugu kikkut ikajuqtuijunnaqpat:

Qanuimmat sivuliurumavunga taasuminga piliriangujuksamit?
Kisuungmata saqittittiarumajara kikkutuinnaqnut ammalu avatiliriniqmut aktuqtausimajunik pisimajariaqaqpunga?
Kisuungmata nangminiq turaagarijumajara uvaluunniit qanuq saqittuqarajaqpa niriugijaksannik?
Qanuq una pilirijaksaq uvannik pijumaninnut pitaqattiarunnaqpa?

Qanuiliuruti 2:

Pigiarunnaqsivait qanuilinganiaqnirijanga

Maana, saqittumajatit kisuuvat Kisunit atuqniaqpit, pilirijiujunik, katiqatigiingnikkut, qanuiliuqatigiingnikkut, ammalu asinginnik aniguijjutinik pilirijaksariniaqtaqnut saqitittiarunnaqpa.

Qimirujariaqaliqputit qanuilinganiaqnirijaqnit kina turaagariniaqpiuk qungiaqtiginiaqtatit (qassinik arraaguqaqtunik tukisitittijumavit?)

Taimali, niruarunnaqsivutit nani pilirijumaniaqmangaaqpit saqitinniaqtaqnit? Nalingnit nunaliqjuanit? Naniinniaqpit? Silamiinniaqpit, uvaluunniit qarasaujakkuuqniaqpit? Iniginiaqtanga sivuliuqtaujariaqaqmat tikilaunginninganit ammalu katiqatigiingniaqtut akiqariaqatuinnaqninganut akuniujjutaujjunnaqattaqllutiglu, piliriagikautigijariaqaqtait.

Ammalu qanga piliriarijait saqitauniaqpa? Qaujisautikkut nalunaittiaqlugu piliriarijaksait. Nalunaiqlugulu ulluqsiutikkut ammalu pigiarutigilirangnit aaqiktausimaliqmat piliriangujariaqaliqninganut. Ilingnit ikajuqniaqtuq qanuiliiuqpaliangmangaaqpit, pinajuinnaqlutit, ammalu iqaitiqattaqlutit quviasuutigilugu taakkua pigiarutigiliqtatit!

Qanuiliuruti 3:

Katiqsuqlugit atuqniaqtatit

Asuilaak piliriqatigijunnaqtatit kikkutuinnait piliriqatigiigluni kisiani saqittiarunnaqmat. Kina ilaujariaqaqpa aniguinasuattiaqniaravit piliriangujuksanut? Ilagijaujunnaqtutit, piliriqatiqarunnaqtutit, akiliqsuqtaungittuniglu, iqanaijaqtinik, ammalu uqaujjuijiksauniaqtunik. Isumaliuqlutit ilaujunnaqtunik iqanaijaqatiginiaqtaqnit qanuiliurutiuniaqtunik. Isumagilugulu qanuiliuqniaqmangaaqpit ammalu kikkunit tilisiniaqpit pililrijaksanut piliriqatigiittiaqniarassi pijaksauniaqtunut.

Kikkutuinnanik ikajuqtiqangikkaluaqlutit kisunit pitaqariaqaqpat, pigiarutigilugu kinaujaliriniq, pilirijjutiginiaqtatit, saqijaariaqaqtuniglu, iqanaijarutinik, iniqariaqattiariaqaqningalu tamakkuninga aturiaqaqtaqnit pilirijjutiksanut aniguitiarutiksanik. Isumaksaqsiuttiaruvit piliriarijjutiginiaqtatit ammalu qanuq kinaujaliurutinik pijunnaqmangaaqpit ( kiinaujaqtaarunnauti gavamakkunnit, ikajuqtaunikkut kiinaujatigut, piliriqatigiiklluniluunniit). Suuqlu, SOI-kut microgrants aniguisimajunik nunalingnut piliriangujuksanik tuksirautiqaqtut! Ilagijaungilatit aniguisimajunit? Tamainnik Nunaqjualimaamit pitaqaqmijuq uvani Community Service Grants!

Qanuiliuruti 4:

Nalunaiqlugit pitaqanginnirijangit ammalu pijariatunirijangit

Pitaqaqniaqmata pitaqanginnirijangit akunninganit pisimajatit ammalu pijariaqaqtatit. Pitaqaqniaqmijuq pijariatunirijangit aniguinasuaqtillutit saqitittiaquguvit pilirijaksat aniguinasuaqtillutit. Nalunairasuattiaqlugit pitaqanginnirijangit ammalu pijariatunirijangit, saqititaunasuaqtillugit. Asuilaak, isumaksaqsiurutigigungni pijariaqaqtatit ammalu piliriratigijatit aqusiuttiarunnaqtusi pitaqanginnirijangit nalunairunnaqpat aniguijunnattiaqtutit pinasualiqtillutit.

Qanuiliuruti 5:

Pigiarutigijunnaqsivait ammalu saqitittunaqsivait piliriarinasuaqtait nunaqjualimaamut!

Piliriarinasuaqtatit isumagijatillu ingiraliqmata, isumaksasiuttiarutigillugu, qanuilinganiaqnirijangalu ammalu paqnakkaviuk. Maanna qaujitittariaqaliqpait nunaqjualimaaq! Paqnaksittiarunnaqtutit piuniqpaanganit pilirijaksanit, kisian tusaumatittingikkuvit, ilaujut amisuujjaangittut.

Tusaqtuliriniq imaittuujunnaqtuq titiraqsimajumit saqitillutit inugiaktukuvingnit qarasaujatigullu inugiaktukkuvingnit qarataujakkullu titiraqlutit naksiujjivigilugit amisut apiqsurumaniraqlutit tusaqtaujuksanik nunaliit pivalliajjutingitigut. Saqitittiaqlugu kikkut tusaqungmangaaqnit tusaumatittiarasuaqlugit angiglivalliatinnasuaqlugu piliriarinasuaqtavit saqitauvvallialiqninganit. Aniguisimaguvit taakkunani SOI-kunnit ikajurumattiaqtut saqitiqataulutik piliriarijumajaqnit pijaksaujunit, qaujimatitaujumavugut kisunit piliringmangaaqpit saqitumajatillu!

Pisimaliqpatit asuilaak – uvani 5 qanuiliurutit, isuumagiinnaujaqtait pilirijaksaq pinguqtittunaqsijait. KISIANI pimmariuniqpaangujuq qanuiliurutiit atuqlugit kisiani pigiarunnaqsivutit. Tamainnik 100%-ngujunnangimmata paqnaanikpata, pigiatuinnariaqaliqtutit ullumi.

Uqalimaaliravit tamaungatigi, piliriarijunnaqmijait tuksirautinik tatatirijunnaqtutit pijjutigillugu 2021 Sililiriniq Pigiarutimit Ikajuqtiujunut! Tatatirialiit saqitauniaqtut qitiani-July. Tavvuuna SOI-kut piliriarijaksangitigut, ilaqaqniaqtutit makkutunik sivuliurunnaqtunik pilirijaksanit qanuiliurutiujunnaqtunik ammalu aaqigutigijunnaqtanginnik, silaliriniqmut atuaganik maligiaqaqsimajanginnik ammalu ikajuqtiqarunnaqniqmit pitaqattiaqninganut! https://docs.google.com/forms/d/e/1FAIpQLSdHnEbywWXy7syomCTJetfRDLD2ssfhkbbINxLhMdgLpx2tNg/viewform