Makkuktut kikkutuinnait ullumi utaqituinnarunniiqmata kinatuinnaqmit pigiaqtuksamit. Ukua tavva tisamaujunngigaaqtut makkuktut-sivuliuliqtut katujjiqatigiingujunit pijunnaqsitittivalliajut makkuktunik kikkutuinnanik piusitittinasualiqtut nunalingmingnit ammalu taasuminga silaup asijjiqpallianinganut. Amisut nanijausimajut taakkunangat uvaluunniit SOI-kunnut aniguisimajut piliriqatiqaliqtut.
Qaujigiarunnaqtutit qarasaujangittigut qanutuinnattiaq tukisikannirumaguvit ammalu ilaulirunnatuinnariaqaqtutit pilirijaksanginnut. Piliriqataulirumaguvit pigiaqtitilutit nangminiq makkuktut-sivuliuliqtut katujjiqatigiinginnit, uqalimaaqpallialiruvit titiraqsimajattinnit “5 Atuagat Saqittinasuaqniqmut Aniguittiaqniqmullu Nunalingnit Pigiarutiujut Piliriangujuksat“. Iliranaquujijuugaluaq pigiarasulisaaqluni nutaangungmat kisiani, taakulimaattiaq makkuktut katujjiqatigiingit pilirijunnattiaqtut. piliriangujunnattiaqtuq!
Student Energy silaqjualimaamit makkuktut-sivuliuliqtut katujjiqatigiit pijunnaqsitittivalliajut makkuktunik kikkutuinnanik ingirasitittivaliajunnaqsiqullugit taasuminga suruittailimaniqmut ingirasitinnasuaqllugu piuniqsamut atuagarillugit ajjigiingittunik piliriangujuksatigut. Iqanaijaqatiqaqmata qarasaujatigut amisuutigijunit 50,000 makkuktut kikkutuinnait nanituinnattiaq nunaliqauqtunit 120 nunaqjualimaamit tukisitittinasuaqllutik, pilimmaksaqllutik, ammalu qarasaujatigut piliriarijaunialiqmat ingiranirijaujuq. Nanisijunnaqtutit marrungnit aniguiqatausimajunik ingiratittiliqtut piliriqatiqaqllutik, Shakti Ramkumar ammalu Rodala Aranya.
Ukua tavva makkuktunut: Ilinniaqvigjuaq-imaittut Qanuiliuqsimajangit, qarasaujat qaummaqutingittigut Ingiraniq Qanuilinganirijanga Nunanguakkut, ammalu anginiqpaangulluni ilinniaqtinut-sivuliuqtaujuq ingiraninga katimavigjuaqniq nunaqjualimaamit.
Youth Climate Lab una “Kanatamit-tungavigillugu, silaqjualimaaq kiinaujaliurasuktiungittut katujjiqatigiit ingiratittiliqtut makkuktut-sivuliuliqtut silaup asijjiqpallianinganut atuagaliangujut, pilirijaksat ammalu nangminiqaqniq”. Turaagarijangit pingasut-amisungukkanniqllugu: ingiratitauliqtuq, quvvariaqtillugulu ammalu akuqviqaqlugu. Piliriqatigiit-Saqittisimajut ammalu Tukimuaqtingat Qanuiliuqtauvalliajunut, Dominique Souris ilagijaungmijuq SOI-kunnit aniguisimajuq!
Ukua tavva makkuktunut: Una sanarutikkuvik tataaqmat qanuiliurutiqattiaqlluni ammalu ilinniarutiksaqtaqattiaqlluni, 4-8 taqinut takitigijuq ilaqattiarunnaqniq-iliqusiqaqlluni piliriangujuksanut makkuktunut, ammalu anginiqsamit-turaagarijaqaqtuq, kikkulimaanut-ilaqarumajut. Pitaqakanniqlluni, ikajurunnattiaqmata qanuiliurutiksanit pijjutigillugu silaup asijjiqpallianinganuts Pigiaruti Piliriqatigiiktut pilirijaksanut!
Taanna Arctic Youth Network makkuktunit nanijausimajuq ammalu makkuktut-makititausimajuq ammalu makkuktut-sivuliuliqtut kiinauja-liurasuktiungittut katujjiqatigiit ikajuqpallialutik nunaqjualimaamit qarasaujatigut makkuktut Ukiuqtaqtumit sivuliuliqtut tavvuuna silaqjualimaamit piliriqatigiiliqtut ammalu angilijualuk-saqitauvalliajuq. Nanijunnaqtait SOI aniguisimajuq Danielle Wendehorst piliriqatigijangillu!
Ukua tavva piliriangujunnaqtut makkuktunut: Ilagijauqataulirunnaqtut piliriqatigiinut, AYX Qanuiliuqsimajangit, Iqanaijaqatigiiktut Katujjillutik, Taanna Tauqsuiniq, AYN Silaqjualimaamit Piliriqatigiiktut
Youth4Nature makkuktut-sivuliuliqtut, silaqjualimaamit kiinaujaliurasuktiungittut katujjiqatigiit ilinniaqtittivallialutik, pijunnaqsitittivalliajut, ammalu ingirattiarunnaqniaqmata makkuktut kikkutuinnait sivuliuqlutik qanuqtuurutinik pijjutigillugu uumajualaat ammalu silaup asijjiqpallininganut aktuqtausimaniriliqtattinnit. Qanuiliurunnarutiksait iniliuqtausimaaniliqmata qaujisaqtulirinikkut, tukisivallialugit iliqusituqarijaujut, nunlinginnit ammalu Nunaqaqqaasimajut qaujimajatuqangitigut, ammalu tungavigijaulluni silaup asijjiqpallianinganut ammalu ukiuqatigiinguliqtunut naammaksitittigiarasuaqniqmut. Taanna katujjiqatigiingujuq makititaulauqtuq aniguisimajuqutittinnit, Marina Melanidis, ilaqaqlluni amisuungittunit aniguiqatigisimajanginnit piliriqatigiiliqtunit, ilaqakkanniqllutik Caroline Merner ammalu ilagilauqtavut SOI-kunnit iqanaijalauqtuq Rachel Boere!
Ukua tavva makkuktunut: Qaujimaqattautittiaqniq (podcast, naigligiaqsimajunit, qanuiliuqatigiingnikkutlu), angiliqtittivaliaqatauniq (tilisiqattarunnaqniq ammalu ilinniaqatigiingnikkut) ammalu unikkaaqtuatigut (silaqjualimaamit makkuktut silaup asijjiqpallianinganut-qanuilinganirijanga unikkaatnunanguatigut).
Kids4Climate kiinaujaliurasuktiungimmata ilinniaqtunut-sivuliuqtaujuq pilirijaksarijanginnut pitaqaqtitaungmat akiqangittumit uqaujjigiarunnaqtunik-tungavigillugu silaup asijjiqpallianinganut aullaaqvik makkuktunut arraaguqaqtunut 9-12 Ottawa-miutaujunut ammalu Saskatoon pasiqmit. Taakkua qanuiliurutiksaqattiaqujaungmata sivuniksanginnut silaup asijjiqpallianinganut sivuliurunnaqsiqullugit pigiarutiksaqaqullugit pilimmaksautiksanginnik ammalu pilirijjutiksaqaqullugit aturunnaqtanginnik saqitijumatuarutik qanuiliurutiksanginnut, suruittailimaniqmut, ammalu makitajunnattiaqniaqmata sivuniksattinnit! Qaujigiaqujuq Apiqutivut&Kiujjutaujut pilirianisaaqtattinnit taasuminga piliriqatigiit-saqittisimajut, ammalu SOI-kunnit aniguisimajut, Rodala Aranya.
Ukua tavva makkuktunut: Tallimat-Ullut aujakkut aullaaqviunnuaqtut July-nguliraangat ammalu August-nguliraangat pitaqangittuq-akiqangittuq aullaarutiksaujut pilirijjutiallaat naksiutiujaujunnaqtut ilingnut!
Ayda Women (Ukiuqtaqtumit Makkuktut Piruivallianiqmut Pilirijiujut) makkuktunit kiinaujaliurasuktiungittuq tungavigingmagu taikani Inuvik, Nunatsiamit. Turaagarijangat pilirijjutiqattiarunnaqniaqmata, pijunnaqsittiaqullugit, ammalu ikajuqtiqattiarunnaqullugit. Taimailiuqtut piruivallialutik katiqsuivallialutik sanginirujunnaqtanginnit ukua Nunaqaqqaaqsimajut aqnait atuqpallialugit qaujimajangit ammalu tautunguaqtanginnit, sivuliuqniq, ammalu aktuaniqaqmata piruivallianiq.
Ukua tavva makkuktunut: Kiijaqattaqattaqtut aullaqsimallutik nunamit, nangminiq-pisimattiaqniq pilirijjutialaanit, ilinniaqnikkut, paungaqtaqniq
CRE (Kanatamit airaq tauqsiirutigijaujuq) piruivalliangmat akuqvikkut akunningagut Nunaqaqqaasimajut ammalu nunaqaqqaasimangittunut makkuktunit Kanatamit ikajuqtuivalliallutik qanuiliurutigijaksanginnit ammalu sangiktigiarutiksanginnit ilagittiaqniqmut tavvuuna sivuliuqtiuniqmut pilirianguliqtumut. Nanijunnaqtait SOI aniguisimajunit Avery Velez piliriqatigiinut!
Ukua tavva makkuktunut: Makkuktut Ilagiittiaqniqmut Pijaksarijauliqtuq, CREsaqittuq kiinaujaqtaarutiksat, Nunaqaqqaasimajut Makkuktunut Atuagat Ilinniaqvingnit, Tukisinasuarutiit Uvani ammalu amisukanniqnit pilirijaksaqtaqauqtuq.
ASIKKANNINGINIK NANISILUTIT
Inuusiqaqluni Qaujimajitarijautluni, Angunasukti amma Ingiratittivallianirijanganit Quttingniqpaamit Uangnaqmiutaujunit Nunaligijaujumit Uangnanganit America
Tusaqvigilauqlavut Terry Noah, aniguiqatausimajuq SOI Nunaqjuap Ataanit Aputiqaqtumit aksuruutigingmagu nirijaksaqattiaqattanginninganit...
Qarasaujaqaqtullu Qarasaujaqangittullu
"Qarasaujaqaqtullu Qarasaujaqangittullu ajurutigijaungmat makkuktunut ilaujunnangijjutiqaqmata Kanata-mit niruaqniliriniq - ilaqaqlluni, amma...
Tallimaujuksaujut (Qaujimangitaksarijatit) Qaujimangitatit una Sable Island (Qikiqtakuluk)
Sable Island (Qikiqtakuluk) mikittukuluungmat Kanata-miutaujuq tauvani nigiqpasinganit Halifax, Nova Scotia. Sapujjausimajuq amma aulataulluni...