Nunavut-mualauqsimangikkuvit, qaujimangittuksaujutit amisunit ajjigiingittunit piruqsiaqauqmat makuninga piruqtusajanit, tingiujaq, urjuk, ammalu amisunit nanisiviujunnaqtuq nunanganit.  Lynn Gillepie, Kanata-mit Takujagaqaqviujumit Nunanit piruqtuviniqnit qaujisaqtiujuq, piliriariliqmagu iqanaijaqlluni qaujisaqpallialugit Ukiuqtaqtumit piruqtuviniqnit tukisinasuattiaqtuq qaujisaqtuliriniq .
Lynn Gillespie

Piruqtuviniqnit Tukisinasuattiaqtuq Qaujisaqtuliriniq taikani Kanata Takujagaqaqvinganit Nunamiutaujunit

Lynn Gillespie taiguusiliuqpaktuq ammalu nalunaittiaqllugit piruqtuviniit, qaujivallialunilu nutaanik piruivalliajunik, ammalu qanuuvangmangaata saqippallianirijangit nakingaaqmangaatalu ammalu ajjigiinginninginnut.

Lynn Gilespie qangataqattaqtuq nunaqjualimaamit qaujisaqpallialunigit piruqtuksajait piruqpallialiqraangata.  Ilaulilauqtillugu takujagaqaqvingmit 1994-ngutillugu, aqnaup angirautisimaliqmagit pingasuujunik tukisinasuaqtaminik.  Ukiuqtaqtuup piruqtuvininganit, piitsaillu ammalu ilagijangit, ammalu piruqtuksajait aupaqtut quviasugvingnit saqitauvaktut ilagijanginnit (Euphorbiaceae).  Aqnaup atuqpangmijanga DNA Kisugalaalimaattiangit qanuilinganirijanga nalunaittiaqllugit piruktusajait ammalu nalunarunniirutigivaktanga naliak nutaangungmangaata.

Lynn maanna sivuliuqataujuq-sivuliuqtiqaqtiqaqlluni uvani Ukiuqtaqtuqmit Flora Kanatamit ammalu Alaska-mit piliriangujunit, silaqjualimaamit pinasuaqtaujuq saqitijunnaqniaqmata qarasaujakkut tukimuagutiksanginnit ammalu ikajuutiksanit tamainnit pirukannirunnaqtut piruqtuksajait (makunangat maniqnit makununga piruqtuksaitllu) Ukiuqtaqtumit Kanatamit ammalu Alaskamit.

Aqnaq Kigliqaqtumit Ilisaijimmariungmat taikani Ilinniaqvigjuamit Ottawa, ilisaiqattaqtuq ammalu aniguijunit ikajuqtimmarik ammalu aniguisimangittunit.  Aqnaq sivuliuqmat titiraqtigijaulluni taakkununga Flora Uangnaup Nunagijanganit piliriangujuksanit ammalu ikajuqsimajuq Katimajiujunit ukununga Saqititausimajunit Pitaqarunniiliqtunit Niqjutinik Katatamit ammalu Piuqsuaqtaujariaqaqtunit Ukiuqtaqtumit Flora ammalu Fauna Piruqtuksajanit Pisitimmariit Ilagiiktunit.

Akuqvik ajungititausimajuq ikajuqtaullutik ukunangat katujjiqatigiingujunik.

ASIKKANNINGINIK NANISILUTIT