Piuksallariliramik qanuilivallianirijauvaktunut Inuit sulirinirivaktanginnit ammalu avatiup qanuilingalirpanningata, Denise Lee, ajunnginniqpaulluni piliriniqaliqsimajuq nungutuinnariaqsutik uumajulirinirnmut, takurannimmariktuulluni Ukiuqtaqtumik, ammalu salumattiaqtutigut uajamuuqtuqaliqujinirnmut maligaqutilirinmut piliriamini. Denise nalunaiqtausimalilaurpuq BP-kut Ilinniarutiqaqsimajuunut Quttingniqpaamik Ilisimaniraqtaulluni, NAEE-kuunit Quttingniqpaullulutik 30-nut Ukiuqatunut tungaani Avatilirrinirnmut Ilisaijiuninganik, Greenbiz-kut Saqqippalliatitanginut Sivuliqtiuninganut, ammalu Canada-up 2020-mi Quttingniqpaullutik Ukiuqaqtut 25 tungaani Avatilirijiuqatauninganut.
Tamakkua uumauit porpoise piullariktuutinmijangattauq!
Piuksallarinnirnminit tariumi uumajuqutiujunut, Denise pigiaqtittijiujunut ilagijauvuq  Porpoisenik Mianiqsijiit Timiqutingannik, katujjiqatigiingujunik silarjualimaamiunut tikitsugit piliriaqaqtinik turaarviksaqaqtitaullutik mianirijauliqullugit porpoisengut uumajuit ammalu najuqpaktangit qaujisainiqarnikkut ammalu ilinniaqtittisimalirniqtigut.

The 2016-mi Umiarjuakkut Ukiuqtaqtumi Qaujisaijaqturniulauqtuq piullariktuuninganit akturtausimajjutigilaurnmagut ammalu angijurjuaraaluuninganiklu ujjirusilirnirnmut atulaurmagu Denise puigulauqsimaniaraniuklu. Piuksammarinninga angijualungmik uumaniqaqtuqutinik tariumi qugvasiksigiakkannirsimalilaurmat Ukiuqtaqtup imangau tiktauvalliaqataulluni zodiac umiakkut, avatinginnik angijualuit arviit nillianingit tusarsautillugit aniqsaariaraangata ammalu nipiqaluaratik ikimaqatigijangit pisirnmik inngilirmata. Ukiunut amisuuliqtunut tariumi uumajuqtinik qaujisaqsimaliraluarami, Denise isumajjusirijangit tariumi uumjunut ammalu avatiup mianirijauliriaqarninganut suli pijaritujutigut piliriarijauliriaqarasugimmagit ammal angigligiarsimalikkanililaursutik attatarsimalirvigigamigi nunanaqqaarsimajuni sivuliqtigijaujut, asingit sunatuinnanik qaujisaijiuvaktut, sapujjigiaqtigijaujut, ammalu ajjigiingiuqtuulutik katinniqsimajut makuktuit ingirraqatigijani.

“Tamarmiluttaaq quaqsaarsimanarmata, angigligiarutiullunil qanuimmat sunat pijjutigillugit aktuqtausimanaluarningita isumagiliqtarnma sivuninit. Angijualungmik nunami imarmik pijjutiqartunik qaujimanasugililauraluarama ammalu qanuq asijjiqtausimalirutik mianirijausimalirunnaqullugit. Kisianili, qaujititausimalikkannilaurama 200-kanninut isumajjusirijaungmijunut.”

Ukiuqtaqtuup piullariktuuningata tukisialiqpaallirsimaliramiut, Denise ilagijauqataulilaurtuq SOI-kunnut ilinniarutiminnik pijariiqsisimaqataujunut piliaqtitisimaqatigillunigit Nunarjuapingut Kaajjinnguaqutigijavut, Nunarjuarijavut. Taakkua katujjiqatigiingujut sitamailingallutik aviktursimaniqartunik Canada-limaami katimarjuaqtittiqattalaurput 2017-mi makuktuit sapujjigiaqataulirumanirnmik tigusisimaliqatauqullugit mianiqsisimalirutaunajaqtunik nunarjuarijatta kaajjinnguaginut. Naksarsimallunigit piliriniqarvigijumallariktani kukkutuinnait ilagijauliqullunigit nunaligijamini, Denise iksivautarijaulilaurtuq Vancouver-mi Ilinniarvingnut Katimajingita Pirukkannirunnaqtulirinirnmut Katimarjuatunut, taanalu katimarjuaqtittiniujuq upaktausimalaursuni ungataanut 10-ngujunit quttingniqsanut ilinniarutiqatunik ungataanut 10-ngujunit ilinniarvilirinirnmi aulatsiniqarviujunit British Columbia-mi katimajaqtuqatausimatitaujunik uqallausiriniarlugit silaup asijjiqpallianinganut pilirianguliqsimajut sivummutitaugiaqsimaliqullugit nunaligijaminni. Tagvanitsainnaq ukiumi, saqqiijiulaurnmijuq TedTalk-mit taijaujunik pijjutiqarsutik Canada-mi taimannganituqaq Nunaqaqqaatuit pinirluktauqattarsimaninginnut ammalu aqqutilaiurnirnmut saimmaqatigiiksimaliriamik Hamber Ilinniarvingani:

Uvani takunnarlugit

“Ilinniaqtuit Sikumiiqatiiiktitauningita Timigijaujunit nalunaiqsivviulaurama amisuilingajuuningita naammangiliqsimavviujuni ammalu qanuq aaqqiisimalirutiksait tauttuqarajarianginnik, ammalu tamakkuninga tunngaviksanik pisimalilauqtannik najuqtiqainnaqsimalirsunga umiarjuakkut qaijisariaqsimaniujuq isulisimajutuqauliraluaqtillugu.”

Denise qaujisariaqataulaurningminut atuqataullunigit pigiaqtittisimalilaurpuq amisuingujutigut pilirianguliqsimajunit, ilaqaqsugit uajaqataulaurningminik Amazon-mut piqatigillunigit ilinniarutiminnik pijariiqsisimanirnmut piliriniqaliqtunik ammalu ilinniaraanigutiqarsimajunik qaujisaijartursutik Ecuador-mi iqqaqtuivviktigut piliriniqarviuliqsimajunik ammalu taimannganituqamit nangminiqutiujunik niuvrutiqaqpallianirnmut pilirianut maligaqutinik. Utiqsimalirami nunaminut Amazon-mit, Denise aaqqiisimalilaurtuq qaujisaqtinik nangminiq qaujisainiqarniaqtunik piruqtulirinirnnut ammalu takujaqtuivaktulirinirnmut piliriniqarviujunik Latin America-mi. Taanna piliriangukainnartuq angijummarimmik ingirrattiartitaulaurmat piliriqatigiiktinit saqqiijiusimalilaurtunit qaujisimalilauqtaminnik 2018-mi Flacso Silarjualimaami Katimarjuaqtunut Quito, Ecuador-mi.
Maannasaangunirsamili, Denise piliriniqarnirnmini turaagaqalirsimavuq silarjuami salumatsiarnirsatigut pivalliatittisimaniujunut ammalu maligaliriniujunut. Maanaujumi ilinniarutiqaliqsimajuq pujurnirlunnik katiqsuijjutilirinirnmi sanarrutinik Toronto Silattuqsaqvingani Laidlaw-kut Quttingniqpaanut Ilinniarutiqatitaujunut. Sulilu sivuniuniaqtup qanuilingalirniarninga qaujimananngikkaluaqtillugu, Denise takunnaliqsimavuq ilinniaraaniksimajunut piliriniqarviulirunnaqtuni pivalliatittinirnmi maligaqutiujulirinirnmut uvvaluunniit avatilirinirnmi parnautiliurnirnmi. Ukiuriniaqtattinni qanuiliurluni piliriniqalirniaraluaruni, Denise niriunniqattiarpuq piliriniqalirviksaminik ammalu tauvungalimaaq SOI-kunnut qujaliniqarniarniraksuni ikajuqtaulaurnirnminut piliriaksanik piliriniqaqataujunarnirnminik tunijausimalilaurami.

“Tamatumunga tikitsugu, anginiqpaujumik SOI-kunnit aktuqtausimaniqalilaurama iqqaititaullunga sunat pijjutigillugit tamakkuninga nunani ammalu inunginnik nagligusulilaurnittinnik, ammalu tauvungalimaaq ajjigiinngittutigut mianirijausimaliqtittungnarattigut.”

ASIKKANNINGINIK NANISILUTIT