Kina suruivalliajuq pasajaksauva?

Inuuvigijait amisuungittunik nunalingnit taanna imiqtaqvik imattiavaujunniirtuq!

Nunaligijuarijaqnit, angirarijaujut ammalu iqanaijaqviujut nangminiq imiqtaqviqaqtut.  Qaujisaqtauvingmit qaujisaqpaktut tamatuminga nunaup imanganit, qaujijausimajuq piujunniirsimajuq tamatuminga uqsualungmit taakunangat tuquqtausimajut pingasut iqanaijaqvigjuat.  Taakua pasagijausimajut iqanaijaqviit kiungmata qanuimmat pasajaksaunginniraqllutik tamatuminga imattiavaujunniirsimajumut:

  • Taakua Uqsualuliuqtiit Company pasajaksaujut pijjutigillugu pisimatsijiumata uqsualungmit ammalu tunisisuunguninginnut taikkununga pasajaksauqataujunut company-nut.

  • Taakua Uqsualuliuqtiit Company qaujisasaalauqmata uqsualukkuvinginnit irngaqmangaata ammalu qaujimajut qanuinginninginnit.  Isumagijangat suruititivalliajut makunangat Nunasiutijuanut Company-kunnit.

  • Taakua Nunasiutiqjuanut Company uqaqtut saqqittijunnangittut sulijumit pasajaksauniqmingnut.  Isumagijangat suruqpalliajualuk ukunangaaqtuq Uqsuqtaaqvingnit uvaluuniit Uqsualuliuqtiit Company-kunnit.

Ivvit qaujimattiaravit tamatuminga saqititaujumit ammalu nunaliqjuat nanisiqugaluaqtaatit suruivalliajut kikkuumangaata! 

QANUQ IRNGAQSIMAJUT UQSUALUNGMIT QATTAALUGIJAUJUQ PIUJUNNIIRTITTIVALLIAVA IMIQTAQVIGIJAUJUMIT?  

  • Kisukiaq piujunniiqtitingmat nunaup ataanit uqsualukuvigijauqattaqtut suuqlu uquksimajut.
  • Suraksimajuq uqsualukkuvik asuilaak irngaqrunnaqtuq uqsualungmit.
  • Uqsualuk issakpallialuni tamauna nunakkuuqtuq ammalu kuukpallialuni – suruivalliajuq tamatuminga nunamiittunit imaqnik,
  • Asuilaak taana imiqmit milluaqattaqtuq suruivalliajuq tamatuminga nunamingaaqtunit imaqnik.
  • Taimainninganut nunamingaaqtunik imaqnik qanuiqattangikaluaqmat suruqsimangimmat imaq, atuqtauvaktuq mikittukuluungmat qaujisaqtautillugu. Asuilaak, tukisinaquujijuq suruqsimajuq qaujijaukautigijjaangittuq ammalu nunaliit imiqviginiaqtangat imaq suruqsimatillugu.

QANUITTUNIKKUA SURUIVALLIAJUT UQSUALUNGMIT KUVIJUQAQPAT? 

  • Uqsualuk ilaqaqmat ajjigiingittunik pullaqaqtunik surujuitunik ilaqaqmata pullalingnit, ikisaraittunik, unaqtumut ikisaraittuq, ammalu BTEX (benzene, ethylbenzene, toluene, and xylene).
  • Iijauguni niaquqlingaliqnaqtuq, iggiaqmut akaujunniiqnaqtuq, ammalu aniqniqattiarunniirnaqtuq.
  • Akuniuluaqtuq, timingniippat, iqaumajunnailiniaqtutit ammalu nukiqattiarunniiqlutit.
  • Qanuingittuqarunnaqttiaqtuq, taana surupalliajuq nanijausaalijunnaqtuq ammalu ikajuruvit salummaqtaukautigijunnaqtuq!!

QANUIMMAT TAMANNA PIMMARIUVA SURUQTITIVALLIAJUT NUNAKUT KUUKPALLIAJUMUT?  

  • Nunamingaaqtuq imaq akitujualuk salummaqsataunasuktillugu!!!!!
  • Tukiqaqtuq angijualungmit pasajaksangurutiqarunnaqmata company pimmariuvuq nanilugu nakingaalattaaqmangaat suruivalliajuq.

Atii pilirigialiqta!!!

Ukua aturiaqaqtatit:  

  • Uukturauti, titirauti, imalik titirauti, piijaijjutilu
  • Taanaly titiraqvigijaksarijait

Turaagaksaq:  Paqnaksilutit nalunaijattiaqsimajunik nunaqutigijaqnik naniimangaat nunamingaaqtuq imaq ingiranirijanga ammalu nalunaiqlugu nakingaaqmangaat suruqpalliajjutialuk

Qanuiliuriaqaqnirijatit:  Turaagarijanga imaq kuukpalliajuq nunakkut qaujimajjutigijunnaqtait suruqsimajuaaluk nakingngaaqmangaat.  Nunaup iluagut imaq ingirasuungungmat taununga- pasanaqtuq suruq quttiktumingaaqmat taima qutiktumingaaqpuq. Tunijauvutit ajjigiingittunik 7 imaqaqviujunik uuktuutiginiaqtaqnik nunaliritillutit.

  1. Uuktuutigijauqattaqtut nunanik nalunaiqsijunnaqmata 7 quttiliriiktunik.  Qaujimaguvit pitaqainnaujaqmat quttiliriiktunik akunninginnit quttingniqparijanginnik.  Suuqlu, tisamaungmata qutingningit ammalu quttiksivalliajunaqlluni qulinik isiganik ammalu 50 isiganik qutingnilingnik.
  2. Pigiarutigijunnaqtait titiraqpallialugu titirautimut akunninganit imaqtaqviuqattaqtuq ungasingniqaqluni 20 isigait qutingniliriirijangit uukturaqtavit.
  3. Aviglugit tukiliatiliqsimajatit ajjiigiiliqtillugitlu nalimugiiktunik uukturautimut 10 isigait quttingniliriirijangit puqtusivallianingit.
  4. Takuksautillugu titiraqtait, sanguingajukkut titiraqtatit aktuqtillugillu taasumunga imaqtaqvingmut ammalu nalunaiqlugit ajjigiingnirijangit.  Taakua tavva sanguinirijangit uukturautiginiaqtatit.
  5. Titirautimut imalingmut, titiraqlutit naittumik turaaqtillugu uukturautigijaqnut titiraqsimajaqnut.  Taakua nalunaiqsijut namit nunamit imaq ingiranirijanga ujjiqsuttiaqlutit.  Pijaqlugit titiraqaujatit ammalu asingit titiraqsimajut-turaarutigijatit ilisaqsittiarunnaqniaravit namungaungmangaat kuugviujuq.  Takiniqsanik titiqsijunnaqtutit turaarutinik ikajurutiginiarangnit.
  6. Titiraqlugu angmaluqsilugu tamanna suruqsimajuq imaqtaqvingmit.  Turaarutiliuqsimajatit atuqlugit takujunnaqtutit nakit suruqpalliangmangaat.
Taanaly titiraqvigijaksarijait
Answer sheet
Hannah Groenwegen

Hannah tauvani London-miutaungmat, Ontario ammalu aniguisimalluni 2017-mit SOI Umiaqjuakkut Qaujisaqniqmit.  Arnaq maana pianikpallialiqtuq kingulliqpaaq ilinniarutiminik Angijuqjuanik Sanavallianiqmit taikani Ilinniaqvigjuamit British Columbia Okanagan Igluqjuanganit.  Taikani UBC aqnaq ilausimaliqtuq ukunani Geering Up Engineering Outreach ammalu Nunaqjualimaamit suuqlu unataqtuksatitut Aaqittiaqsimajunnaqnirijanganit.  Piliriarijumaluaqtanga  imaq piusirijanganit ammalu piusititaugiarunnaqninganik, ammalu aqnaq niriuktuq pinasuaqniaramiuk aniguisimajut ilinniaqtiit tamatuminga Avatiliriniq Turaagarijanginnik.  Qanuiliurunniiraangami, Hannah quviaginiqpaanga pilirikataklluni titiraujaqniq, pisurajangniq, piqannarijani takuvakllunigit, ammalu niqiliuqlluni!

ASIKKANNINGINIK NANISILUTIT

QARITAUJATIGUT QIMIRRUGIARVIK