Uqallaqatigiittiaqattaqniq tukiqarunnattiaqtunit ilauqatauniq pisimaksittiaqniqmut innarulisaaqtunut (Saqitausaalinialiqtuq)

Innarulisaaqlluni ilagijaunasualiqlluni pisimaqatauttiarasuaqniqmut nunaqjuamit ilirasungnaqmat. Amisuaalugaluaqtillugit qanuiliugaksattiavait, amisut makkuktut saangaqattaqmata ajuqtungali pilirijunnangittunga ammalu isumagajungmata pilirijunnajjaangittungali ilaugaluaruma. Tusarasuaqniaqputit saqititauniaqtumit aniguiqatausimajuq 2018 mit Marie-Philippe Ouellet apiqsuqtautillugu taasumunga Sarah Maclean, ammalu uqausiqalauqmata atulauqtamingnit pisimanasuattiaqniqmit-pijjutigittlugit pijuminaqtunit ammalu iniqattiarunnaqmata makkuktut ammalu qanuq MP ingiratitivalliangmangaat nunaqjuarijattinnit.

Spotify
Apple Podcast
Marie-Philippe Ouellet

Marie-Philippe Oullet innarulisaaqtuq ajungittiaqllunilu iqanaijaaminik pisimasittiarasuaqniqmut pilirivviujumit Minguiqsiviujumit Kanata Tusaqtuliriji Pijjutigijanginnit Isumatarijauqataujuq. Inuuvigijanga ammalu piruivigijanga Berthierville (Québec, Canada), inuuviginaujaqmagit inugiangittuniipaklluni nunaliqangittumit ammalu nunaliqjuamiutauvakkilluni. taimaimmat nuktilauqlluni Quebec Nunalipaujanganut ilinniaqpalliajjutigijani angirutigittialilauqmagit ammalu qanuqtuurunnaqsilluni qanuiliurutiksarijanginnit nunaliqjuaqmiutauliqpaklluni ammalu nunaliqangittuniiliqpaklluni. Aniguilauqmagu angiguisimangikkaluaqlluni Ilitarijaujjutitaaqlluni taikani Université Laval, ammalu pisimaliqtanga tigumialiqtanga titirarunnaqsijuq uqalimajunnaqsijuq inugiaktunut tusaqtuliriniqmit pisimaqataugitluniu mikinniqsaugaluaq suruittailimaniqmit pularaqtuliriniq.

Marie-Philippe pigialilauqsimangmat iqanaijaaqaliqlluni Minguiqsivik Kanata ilinniaqtiulluni 2017 mit, iqanaijaqataulluni ilagijaulauqmat Franklin Umiaqjuanganit qiniqtiuqataujunit saqililauqmat qanuililauqsimanirijangit uniksausiqtigut qaujisaqnirilauqsimajangat ammalu tusaqtauliqlluni nunaligijaujunit Inuit Qaujimajangatigut taima pitaqarunniirusirilauqsimajanginnit umiaqjuangatlu. Taimaulauqtillugu, saqittuqalilauqsimangmat piliriangujuksattiavangnit pilirijimmariujutlu qaililauqtut katiqatigiliqllunigitlu Kanatamiutaujut uangnaqmiiutait minguiqsivinginnit piliriqattaqsimajunit, piliriqatigiliqllugitlu ammalu ajjiiqatigiliqllugit silaqjualimaamit pisimaksiqtiujunit pilirivaktunit, sivuliulilauqmat paqnaktiuqatauliqlluni ammalu Silaqjualimaamit Katujjiqatigiingujunut Pisimaksittiaqtiujunit Silagijattinnit (IUCN) Silaqjualimaamit Makkuktut Katimavigjuaqniq April 2021.

Piliriarivallianginnaqmagu tamakkua Marie-Philippe iqanaijaani quviagittiaqmagu pijunnaqsivaaliqutlugitlu makkuktut kikkutuinnait tukiqattiaqtumit ilauqatauqungmagit pisimaksittiaqniqmut piliriqataujunit. Quviasuttiaqmat SOI 2018 mit aniguiqatausimangmat ammalu Tariup Imanganit Akuqvik 2019 aniguisimatluni. 2021 ngutillugu, Marie-Philippe tunijaulauqtuq Micah Massantt Makkuktuq Ajungittiaqninganut Ilisarijaujuq Piuniqpaangujumit taakunangat Kanataup Minguiqsilirivvigijangannit Katimajiujunit ilitarijaullunilu sivuliurunnaqninganut piruittiarasuaqniqmit sivuliqpaatiangutlunilu IUCN Silaqjualimaamit Makkuktut Katimaniqjuarilauqtanganit.

Pinasuariinaujaqmagu sapiliqtailimattiaqlluni kigliqaqtitailimallugu, Marie-Philippe pinasuattianginnaqtuq ammalu saqiitittivallianginnaqlluni piliriangujuksanit ingiratiinnattiaqmagit. Nanijunnattiaqtait taimali silamiiniaqmijuq, ajjiliurivallianginnaujaqtuq, siqiniq ammukpalliajumit, uvallunniit iglamajaqatigitlunigit piqanarijanit ammalu qatangutigijani.

 Sarah MacNeil

Sarah MacNeil titiraqtiungmat uqausiqmitigutlu titiraqtiulluni, ikajuqtiuqatauvaklluni ilinniaqtiujunit kikkutuinnanitluunniit, aulaaqataqlluni ammalu isumagiinaujaqmagu piruivigilauqtani akaunaattialauqmat taikani Mi’kma’ki, taikani nunaliralaangujumit Uiviitituurunnaqtunit nunaligijanganit Pomquet, Nova Scotia. Anurimut nunanga aaqiisimangmat ammalu uliqataqninganut Atlantic, ammaluttauq Uiviit, Gaelic ammalu Mi’kmaq uqausiqtanginnit ajungimmat ammalu iliqusituqanginnit pisimattiaritluni nunaligijangatlu. Sarah pinasuariinaujaqmagu pijuminaqtunit tamakkuninga unikkausiqtigut ammalu ikpigittianginnaujaqmagit qanuippallianirijaujut nanituinnaq ammalu auqtauvalliajut.

Sarah pianigunnaqsililauqmagu aniguisimangikkaluaqlluni ilitarijaujjutimit taikani Université de Moncton (New Brunswick) 2016 mit, tunijaulilauqtuq Ilitarijaujjutimit Uqausiliriniqmut, ammalu pianiklluniuk Nunaqjualimaamit Ilitarijaujjutimit pijjutigiluaqllugu uqausiliriniqmit titirarunnattiaqniq taikani Ilinniaqvigjuanganit Ottawa (Ontario) 2020 mit. Ilinniaqpallianginnarami, Sarah arraagunut amisunut iqanaijalauqtuq takujagaqaqvingmit tusaajigijautluni ammalu qaujimajitarijautluni pianililauqtanga ilaulilauqtillugu Minguiqsivik Kanata 2016 mit ilinniaqtiulluni aujakkut. Ilauqataujaraangami Kouchibouguac Minguiqsivinganit, aullaarunaqsitinasuaqpaktangit, taakkulu Brand Piliriqatigiingujut, ammalu Uangnaqmiut Katiqatigiqattaqtangit Piliriqatigiingujunut, Sarah katiqatigiqattaqtangit amisummarialuit Kanatamiutaujunit nakituinnaq, saqittiqatigiqattaqtangit uumajulirinilimaattiat Kanatamit. Ungagiluakanniqattaqtanga tukisiqattautijunnaqattaqmata kikkutuinnaugaluat angiraritlunijjuklu.

Iqanaijaqatauqattarami Uangnaqmiut Katinniriqattaqnirijangannit Piliriqatigiingujunit, Sarah ajungititaulilauqmat ilauqatauliqlluni taakkunani Sikumit Ilinniaqtiujunut Qaujisaqniulauqtuq Ukiuqtaqumit 2018 ngutillugu, tukisililauqmat inuusiqmut-asijjiqsivangninganut qanutuinnattiaq. Uqaqatiqatuinnaraluaqlluni umiaqjuamiiqataulluni, ilausikaallalauqtuq sukaniqsaullunilu-pilirijjusirijangit taakunani Kanatamit Tariup Imavinganit Uqausiliriniq Gavamakkunnut Iqanaijaqtiujunit (COLC), iqanaijaqataulilauqtuq piruiniqmit ammalu ilitaqnaqsitillugu tariup imanga uqausiqtaujunit Kanatamit sivuliuqatauluni-taakunani 2021mit 2030mut Silaqjualimaamit Katimajiqjuangit Arraagugasangnut Imaviliriniq Tariumit Qaujisaqtuliriniujuq Suruittailimaniqmut Piruinasuaqtiujunut. March 2021, COLC saqittililauqmata Nuna, Imaq, Tariup Imanga, Uvagut: Kanatamiutait Tariup Imanganit Uqausiliriniq Qanuqtuurutiksanginnit, taanna Sarah sivuliuqataulauqmat titiraqtiuqataulluni, piliriarijauraaningmat saalaksalilauqtut Mitacs Ilitarijaujjuti Piuniqpaanguninganut Pijuminaqniqpaangusimaninganutlu iqanaijaqtauttiaqsimaninganut tukisinasuattiaqnikkut. Sarah sivuliuqataulauqmat paqnaktiuqataullunilu sivulliqpaatiamit (qarasaujatigit katimaniq) ingiratitaulluni Tariup Imanga Pinasuarusirilauqtanganit Kantamit Quviasuqatigiiktillugit, taimailauqtut June 2021.

Ilauqataujunniilauqtillugu Gavamaliriniujumit, Sarah qimiruvallialiqtuq qanuiliukannirunnaqmangaaminit nunaqjuamit nunaqjuaqmiutaujutlu ammalu qanukkanniq ilauqataujunnaqmangaata.
 

This interview is made possible with the support from the Leacross Foundation.

ASIKKANNINGINIK NANISILUTIT

QARITAUJATIGUT QIMIRRUGIARVIK