Mamianniujuq, 70 arraagut aniguqtillugit

Ilauquvattigit Inuuluni Inutuqaq ammalu qilaujjaqti, David Serkoak, saqitilauqsimajanga isumataullunilu taakunani Ahiarmiut Nuktiqtitaulauqsimajut Katujjiqatigiit, uqausiqaqpalliatillugu pisimajauttiariaqninganit taakua unikkaangujut Ahiarmiut ammalu asiujijjaiqlugu taana 2019-mit government mamiatillugit ammalu ikajuqtaulauqmata nunangannik nuktiqtaulauqsimajut.

David saqitittisimangmat ammalu Isumatarijaulluni taakunani “Ahiarmiut Nuktiqtaulauqsimajut Katujjiqatigiingit” pigiaqlluni 1998-mit 2019-mut.  Taakua Ahiarmiut nuutaulauqmata tiliuqtaullutik amisuiqtaullutik Gavatatuqakkunnit 1950-ngutillugu.  Jan-ngutillugu 2019, Gavamakkut Kanatamit mamialauqmata taakununga Ahiarmiunut Arvianit,  taana angirutiusimajuq ilaqaqmat ikajuqtaujjutimit ammalu pimmariuninganut akinnaqmiutamit saqitilauqtut taakununga Ahiarmiunut.

Taana nipiliuqsimajuq nipiliuqtausimajuq saijaakautigijukkut inugiaktunit taikani Ilinniaqtiit Sikumit Aniguisimajut Qutingniqpaanginnit.

David Serkoak

David Serkoak inuulauqsimajuq iliqusituqaqpaktillugit Inuit Nunaliralaanganit tamaani uangnanganit sigjaqaqtumit Neultin Lake, nigingata akinnanganit taikani Arviat, Nunavut 1952-ngutillugu.  Inuusiqaqvigilauqtanga amisuungmata aksuruqnaqtukkut aaniaqnaqtukkuuqllutiglu inuuqatigilauqtangit,  taakua Ahiarmiut, asuilaak nuktiqtauqattaqtillugit ikangat ikunga Gavamatuqakkunnit.

Serkoak ilauqattalauqtuq ilinniaqvingnit Nunatsiaq Ilinniaqvinganit Kangiqlliniqmit ammalu Tikiraqjuaq 1960-nginnit.   Angiraqtaalilauqtut ilagiit Arvianit ammalu akuniungittumit iqanaijalauqtuq ikajuqtuqllunigit sanajaujut nunalingnit Inuit sanaqattaqtanginnik. Serkoak ilaujimalilauqtuq ilinniaqniqmit iqanaijaq-laukaqattaqlluni nunalingnit ilinniaqvingmit.  Ilinniaqataulauqtuq Thebatcha College taikani Fort smith,NWT (1976-78) taimali aniguittialiqniqpuq pianikllunilu nalunaikkuqtaaqllunilu ilinniarutiminik.  Aujakkut 1978-mit, Serkoak utilauqtuq Arvianut ilisaijiuliqlluni ikajuqtuliqllunigit Inuit Iliqusingat, uqausiliriniq ammalu ingiqniqmit iglutanganit ilinniaqvingmit ammalu nanituinnaq ilinniaqvigijaujumit.  Serkoak angililauqtuq tuglianit-angijuqaaq inlinniaqvingmit 1986-mit ammalu pianiksilluni B.Ed. mikinniqsanit ilinniaqvingmit taikani Nunavut Ukiuqtaqtumit Silattuqsaqvingmit/McGill Ilinniaqvigjuanganit 1993-mit.

Serkoak akunialuk ammalu ajjigiinngiur-tunik qaujimaniqarpuq ilinniarnilirinirn-mut turaangajunik, ilisaijiunirnmut ilin-nialisaaqtunik, quttingniqsanullu ilinnia-rutiqaqtunut, ammalu silattuqsaqvingni ilinniarutiqatunut. Ilisaijiulaurpuq Nunavut Ukiuqtaqtumi Silattuqsaqviani, ilinniartittivaksuni B.E.-kut piliriangannik ammalu Takujaksalirinirnmut Ukiuqtaq-tumi Takujaksalirivvingani British Museum-kunnut 1989-mi. Serkoak arvi-nilingnut (6) ukiunut ilisaijiulaurpuq Inuktitut uqausingannik ammalu Piusitu-qalirijiulluni Nunavut Sivuniksavutkunni, silattuqsaqvingni ilinniarutiqarunnalirtit-tigiarnirnmut parnaijiujuni Inuit makkuk-tunginnut Ottawa-mi. Serkoak aaqqiksui-jiusimavuq Inuktitut ilinniarutiksanik tamainnut quttingnirijaujunut atuqtau-juksanik ilisaivvigijamini.

Serkoak amisuinit aviktuqsimanirnit, Canadamit ammalu silarjualimaami katimavigjuarniqartunik upaqatau-qujaugajutuq ammalu qanuiliuqtitsi-niqartinit nalunaijaijiuqujauvaksuni piusituqaq maliglugu qilautjaqtiu-nirnmut. Ilagijauqatauvuq Ukiumi Pinnguavigjuarnilirijit Katimajira-laanginnut Vancouver-mi, uqaujjui-giaqtiulluni ammalu aaqqiksuijiulluni Nunaqaqqaaqtut pinnguartitauvang-ninginnut pitjutiqaqtunik. Ilagijauqa-taulaurpuq matuiqtautillugu Nuna-qaqqaatulirivvik ammalu pinnguar-niqaqtillugit. Ilinniaqtittijiugajuktuq qilautiliurnirnmut ammalu qilaujjaq-tiunirnmut Nunavulimaami ammalu ilanginni aviktuqsimaniujuni Canadami.

Serkoak ilagijauqatauvuq sitamaullutik Inungnut tukisiumalirtittijigijaujunit taijaullutik Uqalurait: Uqausilirinirnmi Atuqtausimajut Nunavummi, aaqqiksu-gausimallutik John Bennet-mit ammalu Susan Rowley-mit ammalu uqalimaaga-liangusimallutik McGill Queen’s-kut Tusagaksalirijinginnit 2004-mi. Taakkua pilirianik aullajjailiarutiullutik pijausima-but uqausikkut atuqsimajaujunik Inungnut pitaqalirutiuvut pitjutiqartunik piusituqarijaujunut ammalu aturniqaqti-taujunut Canadami nunaqaqqaasimaju-tuqaujunut ilagijauqataujunit.

Aujangani 2017, David upaqatauqujau-laurmat uqallaktiuqujaulluni Russia-miut umiarjuangani taijaujumut “50-nut Ukiunut Saalagijaqaqsimalirniq” ingirra-valliatillugit Nunarjuap Kaapjinguanga-nut. Ukiut amisuuluanngittuugaluat atuqsimalirtuni, David uqallaktiuqattar-simalirnmijuq saqqiijiuvaksuni “Ilinniaq-tuit Sikumiiqatigiiktitauninginnut Iqqa-naijarvianit” umiarjuami ingirraniqartil-lugit ilinniarvianni..

Ullumiulirtuq, Serkoak piusituqaq mali-ksugu Inuit qilautinginnik sanavalirtuq ammalu ilinniartittijiuvaksuni makkuk-tunginnik Inuit piusituqanginnut ammalu Inuit atuqsimajanginnut pijjutiqartunik. Aippanilu Leslie pingasunik paniqaqtuk, Amanda, Meeka ammalu Karla ammalu arvinilingnik (6) irngutaqarsutik, Briana, Makayla, Kyle, laura, Ryan ammalu Emma. Uajanngiliraangami namutuin-naq, Serkoak amisunut ikarranut pijung-natuaraangami irngutaminik najurtiqaq-paktuq.

David pigiaqtittijiusimavuq ammalu Angajuqqaarijaulluni “Ahiarmiut Nuktiqtitaujuviniit Timingqutingannut”, 1998-mit 2019-mut. Ahiarmiut angiqsimatinnagit Gavamatuqakkunnit 1950-it atuqtillugit amisuiqtigauplutik nuktiqtitaulauqsimangmata. January 2019-mi, Canadami Gavamangat mamiatjutiqalilauqsimajut Ahiarmiunut Arviani, nunaliujumut aaqqiisimalirutit ilaqalauqtut akiliutitaaqtitauninginnik ammalu nalunaikkutamik ilitarijautjutitaarsutik Ahiarmiut.

ASIKKANNINGINIK NANISILUTIT